Hans-Henning-Holm-Pries 2009 för Birgit
Lemmermann
De
Sparkassenstiften vun Neddersassen gifft den ?Hans-Henning-Holm-Pries?
för Nedderdüütsch Hörspeel ut an
Birgit Lemmermann för ehr 'Kaffeetafel mit
Fleeg'
Den
Hans-Henning-Holm-Pries 2009, de vun de Sparkassenstiften vun Neddersassen
utlöövt un vergeven ward, hett Birgit Lemmermann ut Unterstedt wunnen. De Pries
is för Nedderdüütsche Hörspelen, de heel besünners opfallen dot un as gode
Literatur gellen dörft. As Priesgeld gifft dat ? 1500.-.
Den Pries, de to'n 8. Mal vergeven
ward, schall Birgit Lemmermann an'n 20. September 2009, vörmiddags Klock 11, bi
de 61. Bevensen Dagfahrt in't Kurhuus vun Bad Bevensen in de Hand kriegen.
Uttekent ward ehr Hörspeel 'Kaffeetafel mit Fleeg'.
De Jury seggt
dorto:
?Bi de Texten,
de inschickt wöörn ? egens sünd se alltohoop good boot. Un een in't Spraakniveau
besünner Monolog is dor ok bi ? füll de Maten vun de Jury een ? wenn du dat
verglieken deist - kort Hörspeel besünners op. Dat wär 'Kaffeetafel mit Fleeg'.
De Autorin
schrifft in een Spraak, de knapp un meist mundfuul klingt, aver heel genau un
op'n Punkt dat Milieu bi de Kaffeetafel beschrieven deit. Biller ward utmaalt,
de hier in't Hörspeel ungewöhnlich un mit groten Moot in- un ümsett sünd.
De Biller un wat
de Autorin verglieken deit, löppt tohoop as Farven in een groot Stillleben vun
Vergahn un Verweihen. So höört wi op een Stillleben in't duppelt Bedüden vun't
Woord (na dat nederlandsch stil-leven). Beschreben ward een Kaffeetafel na't
Gräffnis. Du kannst de Gedanken hören. De enkelt Monologen speelt in de Köpp vun
de Minschen un de Fleeg - in de ehr Kopp-Welten. Echten Dialog gifft dat gar
nich, blots in'n Achtergrund höörst du 'n beten Alldagssnack.
In de korten
Monologstücken, de all in sik sülvst afslaten sünd, snackt een Mann un dree
Froonslüüd öber de Welt op'n Hoff. Eng bi'nanner ? in de Buernstuuv so as in't
Hörspeel ? sünd hier dat Schicksal vun den Buern, sien Fro, sien Süster un sien
Dochter ohn Klischee beschreben un een mit dat anner verbunnen.
Klaar un
konsequent, wat ok een Fleeg mitsnacken deit un ehr Woord maakt. Ohn de Fleeg as
Symbol wöör dat Bild vun Vergahn un Verweihen in uns' Stillleben man halv. Dat
is hier een Kunststück, een dramaturgisch Klammer, de du blots in't Hörspeel
insetten kannst.?
Birgit
Lemmermann is bi de Plattdüütschen Schrieberslüüd keen Unbekannte. Se is 1962 in
Ahlerstedt-Klethen op de Stader Geest to Welt kamen un mit Platt opwussen.
Al vele Jahren arbeid se as Lehrerin an't Ratsgymnasium in Rodenborg/Wümm un ünnerricht't de Fächer Kunst, Sport, Plattdüütsch un Warken. Mit ehr Platt-AG hett se vun 2004 op an Postkarten mit plattdüütsch Spröök un wunnerschön Biller rutbröcht, ganz frisch Nr. 4 vun 'Du kannst mi maal - op Platt anschrieven'.
(Niedersächsische Sparkassenstiftung - www.nsks.de)
_____________________________________________________________________________________________________________________________________________________________________
Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de)
Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de