www.plattpartu.de

Nieges bi Plattpartu in'n Septembermaand

Hartlich Gröten to'n Aarndankfest, leve plattdüütsche Frünnen!

Also in'n verleden Rundbreef heff ik doch wohraftig twee niege Klangdatein ünnerslaan, de to Rosentiet un de to'n Drägerweg. Dat will ik nu gau wedder good maken un heff se nerrn mit opföhrt!

De Harvst hett us faatkregen. Jüst nu un exklusiv för Se heff ik en Schüddelriemel dorto maakt:

Baven'n Acker weiht de Storm,

nerrn in't Wader steiht de Worm.

So geiht dat de Regenworms opstunns. Man ok noch mennig Planten blöht, as uns' Natuur-Flack wiest. Hüüt weer Aarndank, un wokeen de Füll vun de Natuurgaven sehn hett, weet, dat wi nich klagen köönt.

Uns' Maten sünd in de Welt rümkamen un vertellt, wat se beleevt hebbt. Cord Denker hett Muus speelt in de Kieler Staatskanzlei. (He schall man nu na de Wahl da wiederluustern!) Karl-Heinz Nissen hett dat in Büdelsdörp ganz alleen mit 50 nakelte Fruuns to doon kregen -- heldenhaftig hett he wedderstahn. (Nee, keen Raseerwater-Reklaam!) Hans-Jürgen Grebin vertellt vun Slott un Park Kalkhorst, man he weer ok noch ganz woanners: in China, vun woneem he mit deepe Indrück trüchkamen is. Un Sabine Stürzer -- en niege Stimm op uns Websiet, över de wi us freugt -- hett glieks de ganze Welt in een Laden funnen. Gaht Se mit op Reis!

Dat gifft noch veel annere schöne Bidrääg. Op www.numanto.de is ok al wedder en Update mit dree niege Gedichten rutkamen.

Wi wünscht Se nu en komodigen Harvst mit en poor güllen Daag dor binn!

--------------------------------------------------------------------------------

Nu de Översicht. In'n Harvstmaand geev dat düsse niegen Bidrääg op Plattpartu.de:

Computerie:

Dütmaal nix, avers bald wedder!

Plattdüütsch Künst:

Kunst in Büdelsdörp. K.-H. Nissen maakt en Besöök op de NordArt    (13.9.)

Notizen ut'n Hornung. Fotos un Verse    (6.9.)

De Welt un Gott:

Urlaubsbeleevnis. Helmut Marxen hett en richtig stressfrien Urlaub -- dank Gentechnik & Co. Dat is wohre Levenskunst!     (27.9.)

Geheime Gänge. De Grönauer Kapell hett 600. Bortsdag un kriggt Räuberpistolen vertellt    (27.9.)

Mäkelborg: Dat Kalkhorster Slott un sien Park. Vun Hans-J. Grebin     (19.9.)

Rollig Katten. Günter Weber hett wedder wat utfreten!    (13.9.)

Drakenstiegen. Helmut Marxen erinnert sik    (6.9.)

De Eine-Welt-Laden. Predigt vun Sabine Stürzer    (6.9.)

Natuur un Wetenschap:

Dat Kruut för'n Saatmaand: De Klett. Vun Anke Nissen    (27.9.)

Dahliengoorn maakt veel Arbeit, weet Anke Nissen    (19.9.)

De gemeen Kratzdissel is gor nich gemeen to Antje Heßler    (13.9.)

Dree Natuurbeleven in lyrische Prosa vun Marita Pollak    (6.9.)

Dat Kruut för'n Harvstmaand: Gänsefingerkruut.Vun Anke Nissen    (3.9.)

...un in't Natuurnotizbook:

Septemberhochtied bi de Libelln. Vun Antje Heßler    (27.9.)

Wedder wat tolehrt: En Wöpsenfall. Vun Antje Heßler    (19.9.)

En blagen Bottervagel! De Himmelsfalter. Vun Antje Heßler    (13.9.)

De Sumpfzypresse un ehr Footvolk. Vun Anke Nissen    (6.9.)

Japaansch Anemone. Vun Anke Nissen    (3.9.)

Wilde Möhre. Vun Anke Nissen    (3.9.)

Wat in de Welt vörgeiht:

De Milliarden-Tüdelee. Szenische Achtergrundbericht vun Cord Denker    (19.9.)

Ein Mäkelborger in China. Reisbericht vun Hans-J. Grebin    (6.9.)

...un 1 niege Kortkommentaar in't Plattdüütsche Notizbook vun Marlou.

Niege Klangdatein:

Linda, leest vun Antje Heßler

Rosentiet, leest vun Antje Heßler

De Drägerweg, leest vun Antje Heßler.

--------------------------------------------------------------------------------

En schönen Saatmaand wünscht

Marlou Lessing und dat lütte Plattpartu-Team  www.plattpartu.de