01.11.2009 - (9093) Neues bei Plattpartu im Oktober
 
              PLATTNET-Nachrichten - 1.11.2009 

 

 

            www.plattpartu.de

 

PLATTPARTU in’n Saatmaand

 

Hartlich Harvstgröten, leve plattdüütsche Frünnen!

 

In'n Oktobermaand hebbt wi för de Aarn dankt, denn to'n Danken gifft dat jümmers Grund. Mennigmaal kümmt dat avers ok vör, dat een för wat to danken hett, wat een wedder hergeven mutt. Nich fasthollen kann. So is dat mit Minschen. Wi hebbt düssen Maand en goden Maat hergeven müsst: Dieter Guderian is doodbleven. De Judengeschichten un mennig anner kulturhistoorsche Bidrääg hett he schreven, un alltohoop weer he en Fründ. Nu misst wi em un dankt, dat wi em hebbt kennen dröfft. An'n ärmsten sünd ja doch de, de nix to missen hebbt.

 

Man wi warrt ok rieker: Mit Ernst Meyer, de vun sin persöönlichen Eekboom vertellt, is en niege Maat dortokamen, över den wi us freut. Un Sabine Stürzer stellt al ehr tweete Predigt vör: Talente. Ok de vertruuten Maten hebbt wedder Godes bidragen; Helmut Marxen föhrt mit sin Nevelmaandgedanken sachtens in den November röver.

 

In de Natuur sett wi uns lose Reeg över Steens foort mit den Malachit. Süss gifft de Butenwelt nich mehr so veel her, man för mennig Natuurnotizen langt dat noch :-) En niege Riemel to'n Bruken un en niege Klangdatei sünd ok da.

 

Op www.numanto.de hett dat ok en Update geven mit 4 niege Gedichten vun Ernst Meyer un Ewald Eden. Nu gifft dat da ok enkelte Gedichten to'n Anhöörn; Ewald Eden maakt den Anfang.

--------------------------------------------------------------------------------

Nu de Översicht. In'n Saatmaand geev dat düsse niegen Bidrääg op Plattpartu.de:

 

Computerie:

Dütmaal nix, avers bald wedder!

 

Plattdüütsch Künst:

Lübeck: Schlutup. Vun K.-H. Nissen    (11.10.)

Notizen ut'n Märzmaand. Fotos un Verse    (4.10.)

 

De Welt un Gott:

Nevelmaandgedanken. Vun Helmut Marxen    (25.10.)

Talente. Predigt vun Sabine Stürzer    (25.10.)

Örste Leufde. Vun Martin Hüttenbernd    (18.10.)

Ik weet enen Eekboom. Vun Ernst Meyer    (18.10.)

In Gedenken Dieter Guderian. Vun Rudi Witzke    (10.10.)

Aarndank 2009. Lyrik un Fotos    (4.10.)

Beleevnis an en besünner Grenz. Vun Günter Weber    (4.10.)

 

...un 3 Andachten vun Heinrich Giesen

 

Natuur un Wetenschap:

Dat Kruut för'n Nevelmaand: Lungenkruut. Vun Anke Nissen    (28.10.)

Steens: Malachit. Vun Anke Nissen    (11.10.)

 

...un in't Natuurnotizbook:

Lütten Swienegel! hett Antje Heßler besöcht    (25.10.)

Endlich blöht de Aloe bi Anke Nissen    (25.10.)

Rarität: De Kammlurk hett sik bi Antje Heßler inquarteert    (18.10.)

Füüralarm an'n Strand: De Füürquall plaagt Anke Nissen    (11.10.)

Adjüüs Sommer!, seggt Antje Heßler    (3.10.)

 

Wat in de Welt vörgeiht:

En Döör is to, wenn dat dor ansteiht... un Ursula Vollstedt keem nich dör    (25.10.)

Kruse Gedanken na de Sleswig-Holsteen-Wahl hett sik Heinz Rehn maakt    (4.10.)

...un 5 niege Kortkommentaarn in't Plattdüütsche Notizbook vun Marlou.

 

Platt to Hand:

To'n Intritt in den Rohstand. Riemel vun Sibilla Frerich (25.10.)

 

Niege Klangdatein:

Philemon un Baucis, leest vun Antje Heßler.

--------------------------------------------------------------------------------

Hartlich grööt

Marlou Lessing und dat lütte Plattpartu-Team  www.plattpartu.de  

_____________________________________________________________________________________________________________________________________________________________________

PLATTNET.de   Nachrichten

Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de