Plattpartu in'n Dezembermaand

En frohes nieges Johr, leve plattdüütsche Frünnen!

Putzmunter un heel nieg is 2010 da. "Dat gifft nix Gauers as de Johrn", hett maal een seggt. Dat schient ja meist, as stimm dat. Flupp, is wedder so'n Johr üm! Wat wi noch vör een Johr dacht, förcht, höpt hebbt, schient nu al wied weg. De Tied ritt us dat ahn Barmen ut de Hannen un drückt us Nieges in de Hannen. Wat weer, is nu bloots noch uns Erinnern övergeven; da verleert dat mehrst an Lebennigkeit un warrt bald vergeten. Noch een sä mal, "de Erinnern is dat Paradies, ut dat us nüms verdrieven kann." Hmmm --- so veel, ok Schönes, geiht de Erinnern verlaren; dat is doch bloots en heel mööres Paradies...

Op jeden Fall much 2010 för us all en godes Johr ween! Un de nedderdüütsche Spraak much wieder diegen! 

Wat wi nu in'n Christmaand allens Nieges bi Plattpartu harrn, mööt Se in de Opstelln nerrn sülven nakieken. De eerste Blick al wiest, de Maten vun De Welt un Gott weern heel aktiv. Besünners freit wi us över en niege -- oostfreesche -- Stimm, Sabine Brauer, de schöne Texten to'n Johrswessel tosamenstellt hett. De Wiehnachtsgedank harr düt Johr -- is't Tofall? -- mennigmaal Sellschap vun den Gedanken an Krieg un Gewalt; so bi Ewald Eden un besünners bi den histoorschen Wiehnachtsfriäden, den Jürgen Brake dokmenteert. De Andachten vun Heinrich Giesen sünd nu in'n Christmaand neegto kumplett.

In de Natuur sünd opstunns ganz wenig Planten un Vagels aktiv, man desto mehr wunnerwarkt uns' Autoren dor över. Renate Wüstenberg hett en launiges Niklaas-Gedicht schreven, un Antje Heßler hett twee wiehnachtlich Geschichten -- Engel un dat Dannboom-Märken -- fein as Klangdatei opleest. Op dat Flack Wat in de Welt vörgeiht is dat ole Notizbook vun Dieter Guderian nu in de normale Chronologie wannert, un Ewald Eden bloggt in sin nieges Notizbook Eden meent heel flietig op Oostfreesch to't Tiedgeschehn. Min egen Notizbook gifft't natüürli ok noch. Un Maat Jan.

In't niege Johr warrt wi op dat Künst-Flack wedder en niegen Klenner hebben; all twee Maanden kaamt Oginaalbiller vun Elke Weißleder mit Verse rut. De Winter is mit dat Update vun'n 3.1. al da.  

Op www.numanto.de gifft dat to'n niegen Johr ok al wedder en Update -- mit Gedichten vun Sabine Brauer un, noch en niege Stimm!, Rolf Grebener. Över 200 Gedichten sünd nu da. Wi freit us över all niege Maten. 

Nu de Översicht. In'n Christmaand geev dat düsse niegen Bidrääg op Plattpartu.de:

Computerie:

De Works-Kurs hett en nieges Kapittel kregen.

Plattdüütsch Künst:

Wiehnachtsland Erzgebirge. Vun Antje Heßler    (20.12.)

Advent. Bild-Gedicht vun Ludgerd Lüske    (18.12.)

Notizen ut'n Maimaand. Fotos un Verse    (6.12.)

De Welt un Gott:

To'n Johrswessel. Texten vun Sabine Brauer    (31.12.)

Weest nich bang! Andacht vun Reinhard Reetz    (27.12.)

Mien schönstes Wiehnachtsgeschenk ...kreeg Günter Weber vör lange Tied    (27.12.)

Wiehnachtsgröten 2009 vun Rudi Witzke för uns Maten un Lesers    (25.12.)

En heel besünner Wiehnachten... beschrifft Ewald Eden    (25.12.)

De Stern is dor. Bild-Gedicht vun Ludgerd Lüske    (25.12.)

Däi Wiehnachtsfriäden. Historisch wohre Geschicht, vertellt vun Jügen Brake    (24.12.)

Miteens weer Hilligabend dor. Vun Rudi Witzke    (24.12.)

Man mutt sik blots to hölpen weten. Marita Pollak wüss dat as Kind    (24.12.)

Engel. Andacht vun Reinhard Reetz    (20.12.)

Dat Schipp leggt af. To'n veerten Advent opschreven vun Rudi Witzke    (20.12.)

Wunnerwarken in Mäkelborg: Dei Sünnenklock vun Bützow. Vun H.-J. Grebin    (20.12.)

De Glocken vun St. Gertrud. Andacht vun Reinhard Reetz    (13.12.)

Düsternis. To'n drütten Advent na Jochen Klepper överdragen vun Rudi Witzke    (13.12.)

De Katteker. Vertellsel vun Ernst Meyer    (13.12.)

Stillnis. To'n tweten Advent opschreven vun Rudi Witzke    (6.12.)

Dat is Gröönkohltied ...Ernst Meyer warrt al ganz hibbelig     (6.12.)

Steernstünns. Ewald Edens hartwarmen kulinarische Kinnertied    (6.12.)

Advent 2009. En Willkamen vun Rudi Witzke    (29.11.)

...un 20 Andachten vun Heinrich Giesen

Natuur un Wetenschap:

Dat Kruut för'n Sneemaand: Safran. Vun Anke Nissen     (27.12.)

Nieswurz un Christroos. Vun Antje Heßler    (20.12.)

...un in't Natuurnotizbook:

Amaryllis blöht bi Anke Nissen    (27.12.)

Winteranfang is wunnerschön, meent Antje Heßler    (20.12.)

Lütt Wiehnachtsvagel: Dat Rotkehlchen. Vun Anke Nissen    (13.12.)

De Stieglitz. Vun Anke Nissen    (6.12.)

Wat in de Welt vörgeiht:

Maat Jan: Wiese Wöör    (29.12.)

Dat is all gediegen mit de Doalers... meent Ewald Eden    (13.12.)

Al 12 Kommentaarn in Ewald Eden sin nieges Notizbook "Eden meent..."

...un 5 niege Kortkommentaarn in't Plattdüütsche Notizbook vun Marlou.

Platt to Hand:

Niklaas. Vun Renate Wüstenberg    (6.12.)

Niege Klangdatein:

Engel. Leest vun Antje Heßler

Andersen, De Dannenboom. Leest vun Antje Heßler

En wunnerbores 2010 wünscht

Marlou Lessing und dat lütte Plattpartu-Team (www.plattpartu.de)