www.plattpartu.de

Plattpartu im Februar

Moinmoin, leve plattdüütsche Frünnen!

In den korten Maand Februar hett sik bi Plattpartu sachtens, sachtens wat Nieges daan. Wi hebbt faken heel lütte Texten, de uns Maten, Mitmakers un Lesers schickt, un för de hebbt wi nu twee niege "Notizböker" inricht: dat een is dat Notizbook vun't Erinnern, dacht för lütte (tied)geschichtliche Notizen, un dat anner is dat lütte Bauk vun't Nadenken un Beden, dacht för geistliche Notizen un lütte Gebeden. Wokeen in een vun de Böker wat rinschrieven will, schall dat man an Rudi Witzke mailen!

Hornung is ja de Fasslams-Maand, un da warrt faken Party maakt. As harr he dat ahnt, wohrschuug Ewald Eden noch vör den Alkohol an't Stüer. Later hett sik de Bischöfin Käßmann ja nich an hollen, wat Ewald Eden, Jens-Peter Bey un mi sülven to Kommentaarn bröcht hett. 

Bavento is de Februar avers ok de Maand vun de beginnen Passioon, un düt Johr hett Sabine Brauer us en Reeg Passioonsandachten schreven, to de Rudi Witzke digitale Biller maakt hett. Un Februar schull eentlich de Maand vun beginnen Fröhjohr ween, de Anfang vun Krokus un Sneekieker, Winterling un noch-nich-ganz Wichelkatt. Avers nee -- nix davun. Uns' Maten in't Natuurnotizbook schrievt mehr un mehr vun de Schaddensieden vun'n schönen witten Winter.

Op dat Natuur-Flack geiht ansünsten Franz Dreidax sin lütte Helgoland-Reeg mit de Tommis wieder. Un -- dat warrt mennig Fans bedröven -- Anke Nissen warrt nu, na meist 8 Johr, nich mehr elk Maand en Kruut bespreken. Se deit dat bloots noch af un to. Man all Bidrääg sünd hier oplist, un de Ranken dorto sünd in uns Galerie versammelt un köönt as Deko bruukt warrn. Un ja, dat warrt ok wedder Krüder-Bidrääg geven! Man nich so veel.

Op www.numanto.de hett dat in'n Hornung en Update mit 7 niege Gedichten geven.

Nu de Översicht. In'n Hornung geev dat düsse niegen Bidrääg op Plattpartu.de:

Computerie:

De Works-Kurs hett en nieges Kapittel kregen.

Plattdüütsch Künst:

Hier geev dat düssen Maand nix Niegs.

De Welt un Gott:

Mäkelborg: Dei Rostocker Keramikplatten. Vun H.-J. Grebin    (21.2.)

Hartpuckern. Vertellsel vun Ernst Meyer    (21.2.)

Fasslam up Fehmarn beschrievt Anke Nissen un Inge Weiland    (14.2.)

Verdekkselt nochmoal! ...is de Alkohol an't Stüer, meent Ewald Eden. Mit Klangdatei    (14.2.)

Vun't Schamen. Andacht ut Grönau vun Joachim Siemers    (14.2.)

Wat'n Vergnögen! ...nämlich dat Danzen, meent Helmut Marxen    (7.2.)

Passionsandachten:

Sünndag Reminiszere. Vun Sabine Brauer    (28.2.)

Sünndag Invokavit. Vun Sabine Brauer    (21.2.)

Maria salvt Jesus. Vun Rudi Witzke    (19.2.)

2 niege Notizen vun Anke Nissen staht in't Notizbook vun't Erinnern,

6 niege Texte staht in dat niege Bauk vun't Nadenken un Beden,

un 2 Andachten vun Heinrich Giesen woorn nieg översett.

Natuur un Wetenschap:

De Rootdrossel hett sik vun Antje Heßler dörfodern laten    (28.2.)

Tommis up Helgoland. Vun Franz Dreidax    (7.2.)

...un in't Natuurnotizbook:

Dat warrt Vörjohr, de Winterslaap is üm! Vun Alex Witzke, de Schildkrööt vun Rudi Witzke    (28.2.)

Vagels un anners wat -- nämlich Rotten! -- hett K.-H. Nissen in sin Vagelhus    (28.2.)

Höpen op Fröhjohr süht Antje Heßler    (25.2.)

De scheune witte Winter langt nu, meent Ursula Vollstedt    (25.2.)

Harde Tieden! Vagels starvt den Iesdood. Vun Antje Heßler    (21.2.)

Gode Idee, dach Anke Nissen toeerst...    (15.2.)

Ik heff ok Hunger! röppt Antje Heßlers Katteker Jan Flink    (14.2.)

Buten un binnen blöht Anke Nissens Christrosen    (14.2.)

Fischreiher up den Karpendiek. Vun Antje Heßler    (7.2.)

Iesreis. Vun Antje Heßler    (7.2.)

Wat in de Welt vörgeiht:

Schandaal un Moral. Vun Jens-Peter Bey    (28.2.)

8 Kommentaarn in Ewald Eden sin Notizbook "Eden meent..."

...un 6 niege Kortkommentaarn in't Plattdüütsche Notizbook vun Marlou.

Niege Klangdatei:

Verdekkselt nochmoal! Vun Ewald Eden    (14.2.)

Hartlich grööt

Marlou Lessing und dat lütte Plattpartu-Team

(Plattpartu - Februar) www.plattpartu.de