05.05.2010 - (10052) Plattpartu im April
 
 
              PLATTNET-Nachrichten - 05.05.2010 

 

            www.plattpartu.de

 

Plattpartu in’n Oostermaand

 

To'n Geboortsdag veel Glück,
to'n Geboortsdag veel Glück,
to'n Geboortsdag, leve Websiet,
to'n Geboortsdag veel Glück!

 

Hartliche Maigröten an all uns plattdüütsche Frünnen!

 

De Aprilmaand is ja de Bortsdagsmaand vun Plattpartu, un mehrstendeels "schenkt" wi uns Websiet denn ja so'n beten wat. Uns sülven un uns Lesers natüürlich ok. Na, un dütmaal is dat en beten wat grötteres Geschenk woorn: en nieges Flack. Dat Flack heet För Kinner. Un ja: dat is för Kinner.

 

Ik will en poor Wöör dorto seggen. Dat weer en Saak, de uns al lang an't Hart liggen dä: gode plattdüütsche Texten för Kinner ümsüss in't Internet to stelln. Dat warrt ja jümmer wichtiger, dat Kinner al in Öllernhuus, Kita un Grundschool Platt höört un lehrt; un dorto mutt Materiaal da ween. To köpen gifft't noog -- avers wokeen Kinner hett, kann de jümmers Böker köpen? Hier weer en Gratis-Materiaalsammeln in't Internet heel wichtig. Wohraftig weern wi siet Johren bi to söken. Man dat weer ganz un gor nich eenfach, noog gode Texte för Kinner to finnen -- dorgegen geev dat putzige Texte över Kinner mehr as noog. Avers dat weer ja nich, wat wi wulln. Wi hebbt en beten sammelt, uns Maten, de wat davun verstaht, hebbt sik in't Tüüchs leggt, un nu hebbt wi dat waagt. Op düt Flack findt Öllern un Optrecker/sche nu en poor, bilütten jümmer mehr un mehr Texten, de för Kinner in ünnerscheedlich Öller döögt. De Texten warrt mehrstendeels ok mit Klangdatei anbaden, un as dat ünnerscheedlich Platt-Dialekten sünd, steiht jümmers dorbi, ut welk Kant dat Platt kümmt.

 

Nu hebbt wi al en poor Fadems opnahmen; Esel Caspar is de Held vun en ganze Reeg lütte Natuurbeleven, un Opa Piep un Haas Mümmel warrt ok noch in mehr as een Geschicht opduken. Dat ABC is al in Biller wiest, de Tallen folgt bald. Wokeen dat bruken kann, is hartlich inlaadt, dat uttodrucken un ünner de Lü to bringen. Un wokeen sülven gode Kinnertexte bistüürn kann un will, de schall sik hartlich geern per Mail an Rudi Witzke orr mi wennen! Opleevst harrn wi, dat dor Biller al bi sünd un dat de Verfatersch (orr en Plattsnacker/sch ut desülvige Kant) den Text as Klangdatei oplesen kunn. Man da köönt wi över snacken.

 

Ok süss weer de Oostermaand mit dat villicht schöönste Fest in't Johr en levige Maand op Plattpartu. Sabine Brauer un Rudi Witzke hebbt de Hand an'n Puls vun de Passioonstied un de Oosterdaag hatt un hebbt jedeen Dag mit Andachten un Meditationen utlücht.

Cord Denker begrööt dat Fröhjohr mit dree Kilo Juckpulver un de Löwenpolonaise. Anke Nissen lett ehr Krüder-Fans nich smachten, se besnackt hüüt Blööm, de na St. Georg heet. Un Ludgerd Lüske is mit de Forschers in Genf dat Higgs-Boson op de Spoor. Wat süss noch allens los weer, seht Se nu in de Översicht.

 


Nu de Översicht. In'n Oostermaand geev dat düsse niegen Bidrääg op Plattpartu.de:

 

Computerie:

 

Hett dütmaal nich klappt, pardon!

 


Plattdüütsch Künst:

 

So danzen wi achter den Löwen ran. Vertellsel vun Cord Denker    (11.4.)

Notizen ut'n Harvstmaand. Fotos un Verse    (5.4.)

 


De Welt un Gott:

 

Un nieges Leven bläuht ut de Ruinen... vun de ole Kark, wiest Rudi Witzke. Mit Klangdatei    (25.4.)

Mien Hamborg porträteert Ernst Meyer, Stimmen ut ole Tieden swiestert mit    (25.4.)

Engel sühst nich jümmer, hett Anke Nissen beleevt    (18.4.)

O wunnersam Eerd. Lyrik vun Rudi Witzke. Mit Klangdatei    (18.4.)

Christ is upstahn! Texte vun Sabine Brauer to Oostermaandag    (5.4.)

Tekenstünn vör Oostern. Antje Heßler besöökt minschliche Oosterhasen    (4.4.)

Oostern 2010 -- Ünnerwegens in de Frieheit. Vun Rudi Witzke    (4.4.)

 

Passionsandachten:

Oostern kümmt! Andacht to Karsünnavend vun Rudi Witzke    (3.4.)

Ik bün ik. Andacht to Karfriedag vun Sabine Brauer    (2.4.)

Up'n Barg vun de Oliven. Andacht to Gröndunnersdag vun Rudi Witzke    (1.4.)

 

2 niege Notizen vun Karl Farr un Anke Nissen staht in't Notizbook vun't Erinnern.

 

 

Natuur un Wetenschap:

 

Twee Blööm, de na St. Georg heet, stellt Anke Nissen vör    (25.4.)

Tausamoestött mit Superenergie. Ludgerd Lüske verklaart, wat in den LHC in Genf los is    (11.4.)

Coccionella. Anke Nissen farvt Eier mit dode Lüüs    (5.4.)

 

...un in't Natuurnotizbook:

 

Wunnerwark Bökenblatt, knipst vun Antje Heßler    (25.4.)

Emmelina Federgeist -- en mystisches Wesen -- kennt Antje Heßler    (18.4.)

De Anti-Hunnewupp-Bloom kümmt nich ut't Genlabor, weet Anke Nissen    (18.4.)

Scharbockskruut, vörstellt vun Anke Nissen    (18.4.)

Modder Natuur hett dat wedder richt't -- de Oosterblomen blöht pünktlich! Vun Ursula Vollstedt    (11.4.)

Keen Aantenküken för Giuseppe -- leider!    (11.4.)

De Hölpsmann schall den Oosterhaas bistahn, wiest Antje Heßler    (3.4.)

 

Wat in de Welt vörgeiht:

 

Kennst du Asse? Jens-Peter Bey kennt ehr!    (11.4.)

De Reis na Hannover. Ewald Eden op Odyssee    (11.4.)

 

8 Kommentaarn in Ewald Eden sin Notizbook "Eden meent..."

 

...un 5 niege Kortkommentaarn in't Plattdüütsche Notizbook vun Marlou.

 

För Kinner:

 

Caspar dörf up de Wisch. Vun Antje Heßler. Mit Klangdatei    (25.4.)

Mümmel, de witte Hoas. Vun Ewald Eden, mit Klangdatei    (25.4.)

Ach Opa Piep. Vun Ewald Eden. Mit Klangdatei    (18.4.)

Caspar vertellt wieder. Vun Antje Heßler. Mit Klangdatei    (15.4.)

Dat ABC, Deel 3. Vun Gisela Küter, Jutta Heinrich, Ludgerd Lüske    (15.4.)

Dat ABC, Deel 2. Vun Gisela Küter, Jutta Heinrich, Ludgerd Lüske    (15.4.)

Dat ABC, Deel 1. Vun Gisela Küter, Jutta Heinrich, Ludgerd Lüske    (15.4.)

Caspar stellt sik vör. Vun Antje Heßler. Mit Klangdatei    (15.4.) 

 

Niege Klangdatein:

 

Kiki, dat Oosterküken. Vun Antje Heßler

Un nieges Leven bläuht ut de Ruinen... vun Rudi Witzke

O wunnersam Eerd. Vun Rudi Witzke

Caspar dörf up de Wisch. Vun Antje Heßler

Mümmel, de witte Hoas. Vun Ewald Eden

Ach Opa Piep. Vun Ewald Eden

Caspar vertellt wieder. Vun Antje Heßler

Caspar stellt sik vör. Vun Antje Heßler


 

En schönen Maimaand wünscht

 

Marlou Lessing und dat lütte Plattpartu-Team

 

____________________________________________________________________________________________________________________________________________________________________

 

PLATTNET.de   Nachrichten

Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de