Plattpartu im Mai

Moin, moin, leve plattdüütsche Frünnen!

So fix as dat niege Kinner-Flack is ja noch nienich en Flack bi us anwussen. Nu hett dat al en staatschen Ümfang. Mennig Saken bestaht ut stückerwat Delen, Caspar natüürlich, avers ok de Maitied, en Tosamenstelln vun Texte un Spelen vun Hildegard Tölke, un ok de Pukken vun Rudi Witzke warrt noch mehr Delen hebben. Pukken sünd, as elkeen weet, de Huusgeister in Noordfreesland.

Dat Pingstfest, dat "leevliche Fest", präägt ok den Maimaand; merrn in all dat handfaste Blöhn un Wassen üm us rüm, dat us knapp Aten halen lett, besöcht us miteens de hillige Geist, dat afstrakteste Bild vun Gott; he besöcht uns un will blieven. Uns Maten bi De Welt un Gott hebbt en Predigt, en Bildmeditaschoon, Andachten vun Heinrich Giesen un mennig schöne Texten ümrüm tosamendragen.

Un ok niege Klangdatein hebbt wi en ganzen Barg, nich bloots op't Kinnerflack. So hett Brigitte Fokuhl ok nu 18 vun ehr Riemels op "Platt to Hand" as Klangdatein opleest, un ok enkelte Bidrääg vun Anke Nissen in't Natuurnotizbook kaamt nu al mit Klangdatei. Sowiso lett Anke Nissen ja ehr Plantenfrünnen nich darben, düssen Maand schrifft se över ehrn Krüdergoorn un över de Dorothea-Lilie. Ok en Steen warrt wedder bespraken, un Antje Heßler drept op ehr Fohrt in den Mai ganz schräge Vagels.

Hans-J. Grebin hett sik en anner Mai-Tradischoon to egen maakt: den Marsch to'n eersten Mai. Dütmaal harrn bi em in Rostock ok noch annerwelk de Idee, un dat weern de Neonazis. Dörkamen sünd se nich! -- Man wi sünd nu dörkamen dör uns Överblick, un ik höp, Se hebbt noch en schönen Junimaand. Vun Football snackt wi hier nu nich :-) Neegsten Maand gifft dat sachs ok wedder wat bi Numanto.de -- welk Frünnen mahnt al, dat da noch Oostern steiht.

Nu de Översicht. In'n Maimaand geev dat düsse niegen Bidrääg op Plattpartu.de:

Computerie:

Hett dütmaal nich klappt, pardon!

Plattdüütsch Künst:

An den Maond. Goethe-Översetten to'n Verglieken vun Ludgerd Lüske un Marlou Lessing, mit Lüske-Biller    (23.5.)

Notizen ut'n Saatmaand. Fotos un Verse    (9.5.)

Vun Lent na Sommer. Kalennerblatt vun Elke T. Weißleder    (2.5.)

Maitied is dor. En lütt Översetten vun Ludgerd Lüske mit Bild    (2.5.)

De Welt un Gott:

Fohrkoort in de Ewigkeit. Vun Sabine Brauer    (30.5.)

Ik fohr mit Lücht, seggt Sabine Brauer    (24.5.)

Pingsten. Andacht vun Uwe Baumgarten     (23.5.)

Wokeen winters dat warm hebben will, mutt vörher bannig sweiten, weet Günter Weber    (23.5.)

Is Pingsten! Vun Rudi Witzke     (23.5.)

Nehger, min Gott, to di. En geistliches Volksleed, översett vun Marlou Lessing    (16.5.)

Krüüzgedanken hett Anke Nissen bi en Truerfier    (9.5.)

Mini-Computer sünd ganz anners, weet Hildegard Tölke    (9.5.)

Een Wunsch. Jüüdsche Fabel, navertellt vun Rudi Witzke. Mit Klangdatei    (2.5.)

In't Notizbook vun't Erinnern:

        De Möweneier-Jieper vun Anke Nissen    (16.5.)

        Eune dumme Gaus vun Martin Hüttenbernd    (9.5.)

In't Lütte Gebeedbauk:

         Wünsch vun Marlou Lessing    (3.5.)

...un 4 niege Andachten vun Heinrich Giesen.

Natuur un Wetenschap:

De Dorothea-Lilie beschrifft Anke Nissen. Mit Klangdatei    (30.5.)

De Wakenitz-Weg is en Droom, meent Karl-H. Nissen    (23.5.)

Op de Fohrt in den Mai drept Antje Heßler gaaanz komische Vagels    (16.5.)

Mien Krüdergoorn wiest Anke Nissen. Mit Klangdatei     (9.5.)

Steens: Jasper. Vun Anke Nissen    (2.5.)

...un in't Natuurnotizbook:

Al wedder Besäuk hett Hanne Hinz -- vun en Toornswulk    (30.5.)

Knoblauchs-Rauke kann Anke Nissen nich rüken. Mit Klangdatei    (30.5.)

Muurritzen-Vegetation bekiekt Anke Nissen skeptisch. Mit Klangdatei    (30.5.)

De Reettulpen (Schachbrettblomen) stellt Antje Heßler vör    (9.5.)

Lavendel. Vun Anke Nissen    (2.5.)

Osterglocken sünd giftig!, wohrschuugt Anke Nissen    (2.5.)

Wat in de Welt vörgeiht:

Dei Ierste Mai in Rostock. Da is Hans-J. Grebin gegen de Nazis mit antreden    (9.5.)

6 Kommentaarn in Ewald Eden sin Notizbook "Eden meent..."

...un 4 niege Kortkommentaarn in't Plattdüütsche Notizbook vun Marlou.

För Kinner:

Maitied, Deel 3. Texte un Spelen. Vun Hildegard Tölke    (30.5.)

Caspar: Mien Familie un de Aanten. Vun Antje Heßler. Mit Klangdatei    (30.5.)

Maitied, Deel 2. Texte un Spelen. Vun Hildegard Tölke    (30.5.)

Pukken - uns gaude Geist. Deel 1. Rudi Witzke vertellt vun de noordfreesischen Huusgeister. Mit Klangdatei    (26.5.)

Mule, Mule, Muschikatt. En Leed för Kind un Katt vun Hanne Hinz    (26.5.)

Maitied, Deel 1. Texte un Spelen. Vun Hildegard Tölke    (19.5.)

Caspar bi de Lämmer. Vun Antje Heßler. Mit Klangdatei    (19.5.)

Caspar: Mama, Papa un luder swatte un witte Deerten. Vun Antje Heßler, mit Klangdatei     (13.5.)

De Tallen, Deel 2. Vun Gisela Küter, Jutta Heinrich, Ludgerd Lüske    (13.5.)

De Tallen, Deel 1. Vun Gisela Küter, Jutta Heinrich, Ludgerd Lüske    (13.5.)

Caspar drept niege Deerten. Vun Antje Heßler. Mit Klangdatei    (2.5.) 

Niege Klangdatein:

18 Riemels ut "Platt to Hand", opleest vun Brigitte Fokuhl

Een Wunsch. Vun Rudi Witzke

De Dorothea-Lilie vun Anke Nissen

Mien Krüdergoorn vun Anke Nissen

Muurritzen-Vegetation vun Anke Nissen

Knoblauchs-Rauke vun Anke Nissen

Caspar drept niege Deerten. Vun Antje Heßler

Caspar: Mama, Papa un luder swatte un witte Deerten. Vun Antje Heßler

Caspar bi de Lämmer. Vun Antje Heßler

Pukken - uns gaude Geist. Deel 1. Vun Rudi Witzke

Caspar: Mien Familie un de Aanten. Vun Antje Heßler

En lengen Blick. Vun Rudi Witzke

En schönen Junimaand wünscht

Marlou Lessing und dat lütte Plattpartu-Team (www.plattpartu.de)