Plattpartu in’n Aarnmaand

Moinmoin, leve plattdüütsche Frünnen,

de Sommer geiht toenn mit strahlen Daag, un wi höpt op en güllen Harvst! Dat niege Kalennerblatt is hüüt mit dat Update rutkamen. Avers wi wüllt ja op den Aarnmaand trüchkieken, un da güng op uns Websiet ok düt un dat toenn. Op dat Kinnerflack is eerstmal Esel Caspar in Rente gahn. Nee, nich in Rente; man sin Vertelln ut sin eerst Levensjohr sünd nu toenn. De Sammlung vun Texte un Spelen Maitied vun Hildegard Tölke is vullstännig. Ok hier warrt Nieges kamen. Un de Reeg över Geister is hooch in de Bargen un hooch to See gahn, avers nu is dat bald ok ut mit de Geister. Nieges warrt kamen, jichenswenn.

De Computerie hett endlich ok den Works-Kurs afslaten; dat hett allens länger duert as vörseihn. Ok hier warrt jichenswenn Nieges kamen, wenn ok nich so bald.

En niege Stimm lett sik bi us höörn, Walter Meß vun Fehmarn singt sin Heimat en Hymne. Wi freut us. Nieg is ok Erwin Holldorf op www.numanto.de, 'neem jüst nu en Gedicht vun em tosamen mit twee vun Martin Hüttenbernd un stückerwat Schüddelriemels vun mi rutkamen is.

Op uns Flacken is eentlich allens wedder intressant. Ludgerd Lüske jaagt mit de Forschers dat Higgs-Boson (Foortsetten folgt!), Rudi Witzke hett den Waldtroll un den Klabautermann drapen, und Marita Pollak vertellt, wa stark Vertruun maakt. Dat Vertruun verspelen deit de Kark, wohrschuugt Cord Denker, un de Investmentbankers drievt ehr Unwesen glieks rudelwies. Un veel, veel mehr is ok in uns lütte Notizböker to lesen, dat Gebeedbook un dat Erinnern-Notizbook. 

Op Vertelln.de is dat Vertellsel De Straaf vun Brigitte Fokuhl rutkamen, en anrögen Studie vör den Achtergrund vun dat Eerdbevern in Haiti.

Töövt wi in Roh un Toversicht op dat, wat de Harvst un de Tokumst Nieges bringt!

Nu de Översicht. In'n Aarnmaand geev dat düsse niegen Bidrääg op Plattpartu.de:

Computerie:

De Works-Kurs hett noch dat Slusskapittel tokregen un is nu endlich ok as Ganzes rünnertoladen.

Plattdüütsch Künst:

Klabautermann. Gedicht-Översetten vun Rudi Witzke, mit Klangdatei    (16.8.)

Lecht. Bild-Gedicht vun Ludgerd Lüske    (15.8.)

De Waldtroll vun Rudi Witzke, mit Klangdatei    (12.8.)

Notizen ut'n Sneemaand. Fotos un Verse     (8.8.)

Mien Hart is dat Meer. Bildmeditaschoon vun Rudi Witzke mit överdragen Versen     (8.8.)

Lübeck: Gelbe Mopsen. Wat is dat?, fraag sik Karl-Heinz Nissen. Mit Klangdatei    (2.8.)

De Welt un Gott:

Inselmenschen kennt Walter Meß vun Fehmarn    (29.8.)

Laav unsen Herrn! Bildmeditaschoon vun Rudi Witzke    (29.8.)

Football. Andacht ut Grönau vun Reinhard Reetz    (22.8.)

Gedanken över vörpommersche Tüffeln ...maakt sik Günter Weber    (22.8.)

Kinnersommer. Erinnern vun Marita Pollak    (15.8.)

Vertruun. Vertellsel vun Marita Pollak    (1.8.)

Uns Kark - en Schmuddelvereen? Vun Cord Denker    (1.8.)

In't lütte Gebeedbauk:

        Dat versteiht sük van sülmst vun Sabine Brauer    (29.8.)

        Much Gott din Leven segen vun Rudi Witzke    (19.8.)

        Gebeed to Ramadan vun Marlou Lessing    (11.8.)

        Lüttje Bödel vun Sabine Brauer    (8.8.)

In't Erinnern-Notizbook:

        Dat lütte Wunner hett Marita Pollak beleevt    (22.8.)

        De Johanniskark hett Karl Farr besöcht    (15.8.)

        So weer dat fröher: Utstüür vun Anke Nissen. Mit Klangdatei    (2.8.)

...un 6 niege Andachten vun Heinrich Giesen mit Klangdatein, översett un opleest vun Anke Nissen.

Natuur un Wetenschap:

Eisenhoot vun Anke Nissen, mit Klangdatei    (29.8.)

Dat Seuken nao dat Higgs-Boson, dokmenteert un verklaart vun Ludgerd Lüske     (8.8.)

In't Natuurnotizbook:

        En Undeert keem Anke Nissen tomööt. Mit Klangdatei    (2.8.)

        Ut't Nest fulln is de junge Häger. Vun Anke Nissen. Mit Klangdatei    (11.8.)

        Boomwarzen hett Anke Nissen funnen    (12.8.)

        Spanner in de Baadstuuv hett Antje Heßler    (15.8.)

        Lörchenbläder -- wat dat is, weet Anke Nissen    (19.8.)

        Anemone japonica is bildschöön, meent Antje Heßler    (29.8.)

Wat in de Welt vörgeiht:

10 lütt Investmentbankers vun Marlou Lessing    (4.8.)

10 niege Kommentaarn in Ewald Eden sien Blog "Eden meent"

...un 5 niege Kortkommentaarn in't Plattdüütsche Notizbook vun Marlou.

För Kinner:

För elkeen Schipp een Geist? Rudi Witzke findt Geister up Scheep    (23.8.)

Caspar seggt Tschüß! Vun Antje Heßler. Mit Klangdatei    (16.8.)

Maitied, Deel 7: Rennen, Radeln, Danzen. Texte un Spelen vun Hildegard Tölke    (12.8.)

Geister in't Riesengebirge ... hett Rudi Witzke funnen. Mit Klangdatei    (2.8.)

Maitied, Deel 6: Sünnenvaogel, Rägenbaogen. Texte un Spelen vun Hildegard Tölke    (2.8.)

Caspar: Wedder na Huus! Vun Antje Heßler, mit Klangdatei    (2.8.)

Niege Klangdatein:

So weer dat fröher: Utstüür vun Anke Nissen

En Undeert vun Anke Nissen

Ut't Nest fulln vun Anke Nissen

De Waldtroll vun Rudi Witzke

Geister in't Riesengebirge vun Rudi Witzke

Caspar: Wedder na Huus! Vun Antje Heßler

Caspar seggt Tschüß! Vun Antje Heßler

Eisenhoot vun Anke Nissen

Gelbe Mopsen vun Karl-Heinz Nissen

Klabautermann vun Rudi Witzke

un 6 Klangdatein to Andachten vun Heinrich Giesen.

Hartlich grööt

Marlou Lessing und dat lütte Plattpartu-Team