www.plattpartu.de   

Plattpartu in’n Harvstmaand

Moinmoin, leve plattdüütsche Frünnen,

ik höp, Se harrn en schönes Aarndankfest! Dorto sünd ok düt Johr sünnerlich veel Bidrääg bi Plattpartu rutkamen. Avers dat is Oktober; wi wüllt ja op den Harvstmaand trüchkieken. Also, wenn ik de List da nerrn opstellt heff, schient dat, as weer dat beten ruhiger west as sünst; avers anföhlt hett sik dat nich so. Över een niege Stimm freut wi us, de kümmt vun Hildegard Köster. Se hett in Versen vun de Kantüffelaarnt in ole Tied nehgbi Bremen vertellt. En anrögen egen Beleven vertellt Ewald Eden. Wat dat dütmaal wohraftig nich gifft, is en nieges Kruut vun Anke Nissen. Fru Nissen ehr Verschülln is dat nich, ik heff twee Texten vun ehr op Lager; man ik bün nich to kamen, deit mi leed, Krüderfans! Daför blifft Ludgerd Lüske dat Higgs-Boson dicht op de Spoor; dat lett, as harr em de Jagdinstinkt tofaat. (Bi Plattpartu nöömt wi em den "Terrier" :-)) Antje Heßler hett en Wöpsenstaat beherbergt, dat is to'n Staunen. Un op dat Kinnerflack stiggt de Vertellsel-Reihg över Geister, Puken un Klabautermänner langsam to en glanzvulles Enn an.

Op dat lütte September-Update bi www.numanto.de harrn wi al henwiest. Den Harvst un dat Enn vun de Goornsaison grööt wi nu mit en lütten nagelniegen Schüddelriemel:

Pack de zaarten Ströker in,
Frost deit bloots de Harten good!
Frei di op en Rökerstünn

mit din olen Gartenhoot.

Nu de Översicht. In'n Harvstmaand geev dat düsse niegen Bidrääg op Plattpartu.de:

Computerie:

Noch nix Nieges.

Plattdüütsch Künst:

Figurenkosmos. Bild-Gedicht vun Ludgerd Lüske    (26.9.)

Notizen ut'n Hornung. Fotos un Verse    (12.9.)

Kalennerblatt: Vun Sommer na Harvst. Biller vun Elke Weißleder, Verse vun Marlou Lessing    (5.9.)

De Welt un Gott:

Wat een anfungen hett... Vertellsel vun Claus Günther    (26.9.)

Mäkelborg: Uns leiw Warnow. Vun H. Jürgen Grebin    (26.9.)

Predigt över Jazz vun Sabine Stürzer    (19.9.)

Woarüm hett de Modersproak mi so veel to bedüüden? Vun Ewald Eden    (5.9.)

In't Erinnern-Notizbook:

        Kantüffelaarnt in ole Tied. Vun Hildegard Köster    (19.9.)

        Appels ut Noabers Tuun. Vun Ewald Eden, mit Klangdatei    (12.9.)

Natuur un Wetenschap:

Woran kanns ein Higgs-Boson kennen? Ludgerd Lüske weet dat    (26.9.)

Dat Wöpsennest in't Vagelhus is natüürlich bi Antje Heßler opduukt -- bi wokeen sünst? Mit Klangdatei     (19.9.)

Dat Seuken nao dat Higgs-Boson, Deil 2, verklaart vun Ludgerd Lüske     (12.9.)

In't Natuurnotizbook:

        Adjüüs!, röppt Antje Heßler de Swulken na    (26.9.)

        Tomaten wasst bi Karl-H. Nissen good    (26.9.)

        De Schildkrötjers vun Gödens kennt Franz Dreidax allerbest    (19.9.)

        Café Strandgoot hett Antje Heßler besöcht    (19.9.)

        Fru Snaak leggt af bi Antje Heßler in'n Rasen    (12.9.)

        De Catalpa-Boom. Vun Anke Nissen, mit Klangdatei    (6.9.)

Wat in de Welt vörgeiht:

Maat Jan: Gedöns un Gesabbel    (22.9.)

11 niege Kommentaarn in Ewald Eden sien Blog "Eden meent"

...un 2 niege Kortkommentaarn in't Plattdüütsche Notizbook vun Marlou.

För Kinner:

"Wokeen sik afrackern mutt, den will ik helpen!", seggt de Puk. Vun Rudi Witzke    (26.9.)

Puk un Klabautermann kaamt in'n Heven ...avers dat duert en poor Geschichten lang. Vun Rudi Witzke    (19.9.)

De Ruganer Klabautermann. Sien Geschicht opschreven hett Rudi Witzke    (5.9.)

Niege Klangdatein:

De Catalpa-Boom. Vun Anke Nissen

Dat Wöpsennest in't Vagelhus vun Antje Heßler

Appels ut Noabers Tuun. Vun Ewald Eden

En schönen Harvst wünscht

Marlou Lessing und dat lütte Plattpartu-Team

(www.plattpartu.de)