www.plattpartu.de

Plattpartu in’n Oktobermaand

Moinmoin, leve plattdüütsche Frünnen,

de Oktober weer en lange Maand, lang, wat de Wekenennen angeiht. Ik heff leest, dat dat bloots alle poor hunnert Johr vörkümmt, dat en Maand fief vulle Wekenennen ümfaat -- also fief Friedaag, fief Sünnavende un fief Sündaag. Düssen Oktobermaand weer dat so.

Un elk Wekenenn gifft dat en Update vun Plattpartu! 

Bavento leeg dat Aarndankfest, een vun uns leevsten Festen, wedder in düssen Maand; un dat full tosamen mit den twintigsten Johrsdag vun de düütsche Eenheit. Över düt Tosamendrepen denkt Rudi Witzke metzenscharp na. Nadenken kann ok wehdoon. -- Op dat Grönau-Flack sünd glieks twee Aarndank-Andachten rutkamen. Ok süss hebbt de Maten vun De Welt un Gott wedder en Barg tosamendragen!

Op uns Künst-Flack geiht de Bild-Gedicht-Kalenner mit Biller vun Elke T. Weißleder al toenn. De letzten twee Maand sünd rutkamen. Schaad -- man de Frünnen vun düsse stille Kunstfoorm köönt wi verspreken: Ok neegst Johr gifft dat wedder en Bild-Gedicht-Kalenner!

Toenn gahn is ok de grote Saga vun de Huus- un Schippsgeister -- de Pukken un de Klabautermänner -- op dat Kinnerflack. De letzten Delen laat meist as en wohre Geschicht vun en Familie ut Schlutup. Denn warrt je wohl ok de Pukken wohr ween -- un ok ehr afsluten Himmelfohrt!

Woneemhen us Energie- un Mais-Hunger bringen köönt, maalt Rudi Witzke in düütliche Klöören op dat Flack Wat in de Welt vörgeiht. Jens-Peter Bey dorgegen hett noch'n Spier Mitleed mit de ganz Energiehungrigen un sogoor Sympathy for the Devil! An Halloween gellt dat allerdings nich. Dat is en verdüvelt Saak.

Op www.numanto.de sünd wedder en Koppel niege Gedichten rutkamen, dorbi sünd ok welk vun Martin Hüttenbernd mit Klangdatein un vun en niegen Maat, Jens Hinsch, över den wi us freut!

_________________________________________________________________

Nu de Översicht. In'n Saatmaand geev dat düsse niegen Bidrääg op Plattpartu.de:

Computerie:

Noch nix Nieges.

Plattdüütsch Künst:

Kalennerblatt: Vun Harvst na Winter. Biller vun Elke T. Weißleder, Versen vun Marlou Lessing    (29.10.)

In Memoriam Benoît Mandelbrot. Bild-Gedichten vun Ludgerd Lüske un Marlou Lessing    (18.10.)

Vagelnest in Storm. Vun Rudi Witzke    (17.10.)

Notizen ut'n Märzmaand. Fotos un Verse    (10.10.)

De Welt un Gott:

Nikodemus. Andacht ut Grönau vun Joachim Siemers    (31.10.)

Fohrt na'n Zingst. Zingst, Darß, Fischland un Martha Müller-Grählert, beleevt vun Gisela Reink    (31.10.)

Körbsen un Gruseln! Sööt orrer suur? Nadenken över Halloween un Lutherfest vun Rudi Witzke    (31.10.)

De Sommerfahrt na Mölln. Reisbericht mit Versen, vun Gisela Reink    (24.10.)

Mission. Andacht ut Grönau vun Reinhard Reetz    (17.10.)

Un denn kümmt dat wedder hoch. Günter Weber ehrt sin Grootöllern    (10.10.)

De Jung vun Nain. Bibelmeditaschoon vun Rudi Witzke    (10.10.)

So weer de Buga 2009 in Schwerin. Erinnern vun Gisela Reink    (10.10.)

De ungerechte Huusholler. Andacht ut Grönau vun Reinhard Reetz    (10.10.)

Fiern wi Oornfest un Weddervereinigen 2010? Nadenken vun Rudi Witzke    (3.10.)

Aarntdank 2010. Andacht ut Grönau vun Reinhard Reetz    (3.10.)

De Blomenstruuß. Gedichtöverdragen vun Sabine Brauer    (2.10.)

Oorndank. Andacht ut Grönau vun Christian Kiesbye    (2.10.)

In't Lütte Gebeedbauk:

        Reform-Körbs. To'n Reformaschoonsdag. Vun Marlou Lessing    (31.10.)

        Un wenn du mi to dien Warktüüch maakst. Vun Sabine Brauer    (23.10.)

        Tanken. Vun Sabine Brauer    (17.10.)

...un 8 Andachten vun Heinrich Giesen, in Platt bröcht un mit Klangdatein versehn vun Anke Nissen.

Natuur un Wetenschap:

Methan. Nadenken över en brandgefährlich Saak vun Rudi Witzke    (26.10.)

De Dackroos hett dat good bi Anke Nissen. Mit Klangdatei    (26.10.)

De Harvstreis an de Binnendüün, en faszineern Landschap, hett Antje Heßler maakt    (20.10.)

Mit Poggenstäuhl is dat so en Saak, weet Rudi Witzke    (10.10.)

In't Natuurnotizbook:

        De Buntnettel freut Anke Nissen. Mit Klangdatei    (31.10)

        Giftig Schöönheiten wiest Antje Heßler    (31.10)

        Wo vääl wicht en Star? Egaal, he weit dat, weit H.-J. Grebin    (29.10.))

        Goldhähnchen hett Anke Nissen wedder sehn    (20.10.)

        De lütte Eekboom hett en ganz flietige Gallwöps. Vun Antje Heßler    (17.10.)

        Glück hooch veer hett Antje Heßler (höpt wi)    (7.10.)

        Strandgoot. Vun Antje Heßler    (1.10.)

Wat in de Welt vörgeiht:

Lisbeth freert. Dat kümmt in de besten Familien vör, weet Jens-Peter Bey    (17.10.)

Welthungerdag. Rudi Witzke hett dat satt mit den Mais    (16.10.)

Energie! Energie! Hier kann't ok finster utgahn, meent Rudi Witzke    (14.10.)

Looptied, Jod un Loriot. Düwel ok!, seggt Jens-Peter Bey    (1.10.)

6 niege Kommentaarn in Ewald Eden sien Blog "Eden meent"

...un 5 niege Kortkommentaarn in't Plattdüütsche Notizbook vun Marlou.

För Kinner:

Mareikes Puk kümmt in'n Heven. Vun Rudi Witzke    (17.10.)

Mareike sorgt vör, dat de Puk dat ok in Tokumst good hett. Vun Rudi Witzke    (10.10.)

Wenn't di recht rüüt, helpt de Herr di wedder hooch!, trööst Rudi Witzke den Klabautermann    (3.10.)

Niege Klangdatein:

De Buntnettel vun Anke Nissen

8 Andachten vun Heinrich Giesen, leest vun Anke Nissen

________________________________________

Hartlich grööt

Marlou Lessing und dat lütte Plattpartu-Team

(www.plattpartu.de)

Dütmal leider nich mit Links na de enkelten Bidrääg (PLATTNET)