„Söven Daag“ - De Tüdelband-CD

(pn) Veer junge Lüüd ut Hamborg - dat is de „Tüdelband“. Mire - dat is de Sängersche Miriam Buthmann. Se hett sik plattdüütsche Texten infallen laten för moderne Leder mit Musik för junge Lüüd, präsenteert op Konzerten un in’t Internet: http://www.myspace.com/dietuedelband.

Un denn hett de Grupp de Erfolg överrascht: Vele Klicks in’t Internet un Optritte in ganz Norddüütschland. Annerletzt ok in de Hauptstadt bi en Sprakenkongress in Berlin: En heel sympathisch Präsentatschoon för Lüüd, de jüst nich ehr normal Publikum weern, man de dat liekers bannig goot gefullen hett!

Nu hebbt se ehr lütt Repertoire pressen laten op CD: De Tüdelband - „Söven Daag“.

Frische Musik - frisch ruutkamen: http://www.myspace.com/dietuedelband

(PLATTNET-Nachrichten)