Leve Lüüd vun PLATTNET ...

Nu geiht dat wedder los: Jümmers in de Vörwiehnachtstiet meldt sik de Lüüd över dat Kontaktformular vun PLATTNET.de.

„Mien Mudder will geern en plattdüütsche Wiehnachtsgeschicht hebben, de se as Kind höört hett. Man se weet nich, woans de heet un wokeen se schreben hett. Man dor keem en brunen Schimmel in vör. Könnt Se mi helpen?“

Klor, dat is en Geschicht vun Rudl Kinau - man mennigmal is dat nich licht, mit de beten Angaven vun de Afsenders klor to kommen. Liekers versöök ik ruut to finnen, wat meent is, un de Lüüd den Text totostüern. Villicht kann ik den een un annern dormit en lütt Freid maken.

(Volker Holm - PLATTNET.de)