Prof. Friedrich Wilhelm Michelsen is storven

An’n 6. November hett em de Dood haalt: Prof. Friedrich Wilhelm (Fiete) Michelsen. He weer lange Johren de Schriftleiter vun de Tietschrift „Quickborn“ (1973-1993) un harr dat Leit vun de „Vereenigung Quickborn“ (1965-1968; 1970-1977).

He kenn sik bestens ut in de plattdüütsche Literatur un Spraakwetenschop, wi hebbt em de „Plattdüütsche Bibliographie“ (1945-1990) to verdanken.

Mennig Pries hett he kregen:

1986 den „Johannes-Saß-Preis“

1994 den „Quickborn-Preis“

1998 den „Friedestrompreis“

2004 den „Fritz-Reuter-Preis“ [Alfred Toepfer Stiftung F.V.S.]

„Fiete“ Michelsen is 84 Johr oolt worrn, boren an’n 14.03.1926 in Düsseldorf, storven an’n 06.11.2010 in Hamborg.

An’n 19. November is he op den Karkhoff vun Hamburg-Bergstedt beerdigt worrn.

(PLATTNET-Nachricht)