PLATTNET - Hörbuch-Tipp

Hans in't Glück un anner Märken op Platt

As dat Wünschen noch hulpen hett ...

Märken, meent wi, sünd Geschichten för Kinner. De köönt sick doröver verwunnern, dat de Pogg sick ton Prinzen verwannelt, dat Dornrösken no hunnert Johr von den Prinzen waakküsst ward un de Jäger Rotkäppchen un ehr Grootmudder wedder ut den Buuk von den Wulf ruthaalt. Liekers, de Märken weern fröher nich Literatur för Kinner. Fröher - as dat keen Fernsehen geev, keen Rundfunk, keen Zeitung – do weer dat winterdaags op’n Dörpen langwielig. Un denn sünd af un an Märkenverteller vörbikamen un hebbt stunnenlang Märken vertellt. Un all hebbt se tolustert: de Jungen un de Olen, de Kloken un de Dummen – all hebbt se de Märken so verstahn, as dat för jem möglich weer. De Verstännigen hebbt dor mehr von verstahn as de annern. Dat lett sick denken. Jakob un Wilhelm Grimm hebbt de mehrsten Märken hochdüütsch höört, ofschoonst, natürlich, in Norddüütschland Märken fröher op Platt vertellt worrn sünd. Dorüm heff ick mit Frünnen de Märken in’t Plattdüütsche översett. Un jümmer, wenn ick se lees, överlegg ick: Wat seggt se mi? Woveel verstah ick dorvon. Achter elkeen Märken, wat ick hier lees, kummt jümmer wat achteran: Nich en scharpsinnige Interpretation – dorbi geiht licht de Spaaß perdü - , man en Vertellen, dat düütlich maakt, woans man dit Märken verstahn kann - nich mutt. Un dat is wichtig: Dat gifft mehr Orten, Märken to verstahn. Un elkeen schull dorbi sienen egen Kopp bruken. Dorför hett he em. (Bolko Bullerdiek)

De Märken op düt Spegelschiev:

- „De Wulf un de söben Zicklammer“

- „De Stünn von’t Glück un de Raat von den Hodscha“

- „Hans un Greten“

- „Hex hett se seggt oder: Dree Stimmen“

- „Jorinde un Joringel“

- „Unvermoden Brägenklöterigkeit oder: Wat dor de Töversche to seggt“

- „Hans in’t Glück“

- „Hans in’t Glück“ oder „Fraag mi wat“

Hörbuch (CD): Hans in't Glück un anner Märken op Platt

Autoren: Bolko Bullerdiek, Jacob und Wilhelm Grimm

Sprecher: Bolko Bullerdiek

Musik: Jochen Wiegandt

Hörbuch-Dahms, Hamburg 2010

ISBN: 978-3-940229-06-9

75 Min.  11,90 Euro

Weitere Infos und Bestellmöglichkeit:

http://www.hoerbuch-dahms.de/hoerbuch-belletristik/hans-im-glueck.html