Tagesseminar „Plattdüütsch Schrieven“

Fortbildungsveranstaltung für niederdeutsche Autoren und Übersetzer

Platt snacken köönt wi ja goot. Blots wenn dat an’t Schrieven geiht, kaamt wi meist nich so recht togang. Woans schrievt wi wat? Wann mit en duppelt „a“, wann blots mit een? Köönt wi en hoochdüütschen Satz so översetten, as he dor steiht? Mööt wi anners rangahn, ümschrieven, anner Wöör? En Sakentext schrieven, geiht dat överhaupt op Platt? Worüm kann ik nich so schrieven, as ik snacken do?

Gifft vele Fragen, op de wi antern wöllt.

Toeerst fangt wi so as jümmers mit de Schrievregeln na Johannes Sass an – dorüm weer dat goot, wenn jedereen – wenn he dat hett –  sien Wöörbook „Der neue Sass“ mitbringen kunn. Wiel dat nu en niege Grammatik gifft, kümmt ok en lütten Stremel to dat Thema op ’n Disch.

Praktisch öven wöllt wi ok, en beten schrieven höört dorto – so schall doch an’t Enn dorbi rutsuern: Platt schrieven is meist nich sworer as dat hoochdüütsche Schrieven, wenn een dat richtige „Handwarkstüüch“ hett.

Dacht is dat Ganze för Anfängers bi’t Schrieven. Aver ok för 'Profis' hebbt wi wiss noch wat Nieges dorbi.

Referenten sünd

Peter Nissen, Autor, Übersetzer, Dramaturg

un Marianne Ehlers, Referentin für Niederdeutsch im SHHB

Sonnabend, 15. Januar 2011

10.00 Uhr bis 16.00 Uhr

Martinshaus, Diakonisches Werk Schleswig-Holstein,

Kanalufer 48, 24768 Rendsburg

Kosten deit dat 25 Euro, dor is Eten mit bi.

Mehr Infos in den Flyer, de as PDF-Datei anhängt is.

Veranstalter: Schleswig-Holsteinischer Heimatbund

www.heimatbund.de