„Platt för Kinner“ - en Internet-Projekt vun Heidrun Schlieker

Kinner hebbt oft bannig gode Ideen un sünd al meist richtig klook in't Internet togang. Un wenn se denn ok noch Intresse an't Plattdüütsche hebbt, denn sünd se op de ne'e Website www.plattförkinner.de graad man recht. Heidrun Schlieker, de al vele Johren Plattdüütsch för Kinner maakt un över ehr eerste Homepage www.hschlieker.de ok Arbeitssieden för Schoolmeester/sche un Lüüd vun Kinnerdaagssteden vörstellt to'n Rünnerladen, de nix köst, hett hier nu en Plattform inricht alleen för Kinner. Un üm dat „Platt för KINNER“ heet, hett se ok veer plattdüütsche Mitarbeiters för disse Siet: Veer Schölers vun veerteihn un föffteihn Johr, de fröher in en vun ehr Platt-AGs dorbi weren. De Deerns un de Jung wüllt so'n beten kieken, dat de Saken, de instellt warrt, passlich sünd för de Idee vun disse ne'e Homepage. Mitmaken bi PlattförKinner.de köst ok nix. Mutt een blots de Saak in DinA 4 per Post an Heidrun Schlieker schicken. De Adress gifft dat över ehr Homepage bi „kontakt“.

(www.hschlieker.de) - (www.plattförkinner.de)