„Plattsounds“ – plattdüütscher Bandwettstriet 

De „Plattsound Bandcontest“ is ´n Bandwettstriet för junge Musiker twüschen 25 un 30 ut Neddersassen.

Mitmaken künnt enkelte Musiker oder Bands, de tominnst een plattdüütschen Song speelt. Dat Stück kann ok eerstmol op Düütsch, Engelsch oder ´n anner Spraak tostüert warrn, bi't Översettten in't Plattdüütsche gifft dat denn Hölp vun Platt-Profis.

Egal, op Techno, Rock oder Rap, all Musikrichten sünd willkamen un warrt toeerst op de Homepage (www.plattsounds.de) sett. Dor is extra ´n Afdelen „Warksteed“ inricht, un dorbinnen kann so lang an de Songs klüttert un klamüstert warrn, bet dat de Musiker mit dat Resultot tofreden sünd un de Text platt is.

All Songs, de denn ´n nedderdüütschen Text hebbt, kaamt in de Afdelen „Wettstriet“ un nehmt an den Vörentscheedt för dat Afslussfestival an'n 8. Oktober in Ollenborg deel. Wokeen sik dorför qualifizeert, de hett denn de Schangs, vör groot Publikum un ´n prominente Jury optotreden un Priesen vun 250 bet 1000 Euro to winnen.

In de Twüschentiet hebbt de Besöker vun de Siet ´n Maand lang, vun'n 31. August bet ton'n 1. Oktober, de Mööglichkeit, för ehrn Favoriten in't Internet to stimmen. De Sieger vun düt Internet-Voting kriegt sien Pries vun 250 Euro ok bi dat Afslussfestival.

Mit Plattsounds wüllt de Veranstalters junge Lüüd över de Musik an't Plattdüütsche rankriegen. De „Fofftig Penns“ und „Die Tüdelband“ hebbt wiest, dat Platt un moderne Musik goot tosamen passen doot un Plattdüütsch dat Leven ok vundaag utdrücken un beschrieven kann.

Ok na dat Festival warrt de Homepage as Forum för junge plattdüütsche Musik bestahn blieven.

Dat is ´n Projekt vun un de Landschapsverbännen un dat Ministerium för Wetenschap un Kultur in Neddersassen.

Pressemitdelen:  

http://www.plattsounds.de/wp-content/uploads/2010/11/Presseinformation-MWK-Niedersachsen1.pdf

Homepage:

http://www.plattsounds.de

Kontakt un Infos:

Thorsten Börnsen

Bernstorffstr. 157

22767 Hamburg

Tel.: 040 – 18 109 757

Mail: info[at]plattsounds.de