Plattdüütsch im Stellwerk

En niege Veranstaltungsreeg will sik etableern: „Plattdüütsch im Stellwerk“. Dat Stellwark liggt merrn in’n Fernbahnhof HH-Harburg, Hannoversche Straße 85. För de Bahn ward dat nich mehr bruukt un so is dat en fein Kulturadress worrn för de Musik - man nu ok för Plattdüütsch mit „PiSte“.

„Wi wüllt jo gern inladen een mal in’n Maand to een frischen, plattdüütschen Fröhschoppen in’t Stellwerk in Bahnhoff vun Harburg. Hier ward klöönt, sungen un vertellt; wi wüllt bunte Visagen vörstellen vun veele Minschen, de sich mit Lief und Seel för uns knackige Spaak hier in Norden insetten doot.

PiSte will een Forum för all de Lüüd sien, de natürlich op Platt, een interessante Geschicht to de ji noch nich ut Presse un Flimmerkist.

Wi hebbt bekannte plattdütsche Vertreter un veele grootartige Minschen, de wi noch nich ut Presse und Flimmerkist kennt, bi uns to Gast.

Wat du Platt in de School snackst oder in een Chor singst, wat du op Platt Dööntjes schriffst oder in den Baadwann plattdüütsche Arien trällerst – Puttegol, wi wüllt mit di sabbeln!

Die Moderatorin vun PiSte, Sandra Keck ut dat Hamburger Ohnsorg Theater, hett mit ehr plattdüütsche Rockrevue „Rock op Platt 1 + 2“ ja all wiest, dat se mit Platt jung un modern ümgeiht.

Wat se, op kecke Ort, de Promis villicht doch af un an mol een Geheimnis ut de Nees trecken ward?!“

Dat Programm för de tokamen Tiet:

13. März 2011 -  Gerd Spiekermann und Sandra Keck

10. April 2011 -  Frauke Petershagen und Yared Dibaba

15. Mai 2011 -  Reimer Bull und Peer-Marten Scheller

05. Juni 2011 -  Heidi Mahler und Walter Marquardt

Moderation: Sandra Keck

Jümmer üm 11 Uhr - Intritt: 10 EUR

(Plattdüütsch im Stellwerk - www.piste-harburg.de)