www.plattpartu.de

Moinmoin, leve plattdüütsche Frünnen,

dat lett, as harr ik gistern eerst den letzten Rundbreef an Se all schreven, un nu is al wedder een fällig! Woneem is bloots de Harvst afbleven?! In de List vun uns Bidrääg nerrn finn ik dat Aarndankfest mit Andacht un Kritik; is dat würklich düssen Maand west, dat wi "Wir pflügen und wir streuen" tosamen sungen hebbt? Se seht, de hilde Alldag höllt an för poor vun us Plattpartu-Maten, ok för mi; man togliek hett de Tied an Tempo toleggt. De Wiehnachtstied warkt as en Swattes Lock in'n Weltruum, ehr Gravitaschoon treckt gauer un gauer de Resten vun't Johr an sik as en Strudel. De Harvst kann nich gegenan; dat letzte Kalennerblatt mit Holldorf-Biller hebbt wi düsse Daag rutbröcht. Denn is dat Johr vull. Talke maakt Paus, wieldat ehr Autorin in en Strudel kämpft; se hett us avers dree schöne Gedichten mit Biller schickt. Un wieldess in uns egen Leven düt un dat us hen un her jaagt, geiht de Welt mall as en Zerrbild vun sik sülvst in en Strudel op. 7 Milliarden Minschen, Milliarden vun Milliarden Schulden -- schallt wi us dorvun ok noch bedrücken laten? Sorgt sik nich!, röppt us Rudi Witzke mit Jesu Wöör to, un Kuddel sin Bertha is dat al mal ganz egaal. Ok Lü as Gaddafi landt mal vör Gott, un denn kümmt allens to Roh. Ut Strudeln warrt Levenskrinks vull Anmoot un Sinn. Un mit düsse Toversicht gaht wi in den Nevelmaand, de us noch mennig stille Daag bringen warrt.

Nu de Översicht. In'n Oktobermaand geev dat düsse niegen Bidrääg op Plattpartu.de:

Plattdüütsch Künst:

Kalennerblatt: Vun Harvst na Winter. Mit Biller vun Erwin Holldorf un Verse vun Marlou Lessing    (30.10.)

Levenskrinks up Fanø. En Tiedwannern mit Rudi Witzke    (16.10.)

Notizen ut'n Märzmaand. Fotos un Verse     (5.10.)

De Welt un Gott:

Leven bi en Gautsherrn: Arm weern wi nich. Vun Rudi Witzke    (23.10.)

Leven bi en Gautsherrn: Waderlüüd blievt Waderlüüd. Vun Rudi Witzke    (9.10.)

Över dat Sorgen. Vun Rudi Witzke    (9.10.)

Aarntdank-Andacht ut Grönau: Wat heet Danken? Vun Reinhard Reetz    (2.10.)

Oorndank 2011. En Nadenken vun Rudi Witzke.    (2.10.)

In't Lütte Gebeedbauk:

        Muammar Gaddafi steiht vör Gott. Vun Marlou Lessing    (23.10.)

        "Ik glööv an..." Vun Marlou Lessing    (3.10.)

In't Notizbook vun't Erinnern:

     Kantüffeln sammeln op en Gootshoff. Vun Marita Pollak    (16.10.)

     De Draken. Vun Marita Pollak    (16.10.)

Natuur un Wetenschap:

Mais, Mais, Mais! Vun Antje Heßler, mit Spraakopnahm    (30.10.)

Goosalarm op'n Biohoff. Vun Antje Heßler, mit Spraakopnahm    (16.10.)

Körbsen. Vun Anke Nissen, mit Spraakopnahm        (9.10.)

Platz för dat niege Leven moken. Harvst in Marita Pollak ehrn Buerngoorn    (3.10.)

In't Natuur-Notizbook:

        Giftbeer! De Blage Lampionbloom. Vun Antje Heßler    (23.10.)

        Mitbröcht ut'n Woold. Vun Anke Nissen    (23.10.)

        Weltpremiere: Veerfache Regenbagen. Vun Marlou Lessing    (9.10.)

        De Kastanje. Vun Marita Pollak    (3.10.)

Wat in de Welt vörgeiht:

De Schlaraffenplaag. Vun Heinz Rehn     (16.10.)

Kuddel: Bertha is dat schietegaal! Vun Martin Ripp    (9.10.)

6 niege Kommentaarn in Ewald Edens Blog Eden meent

...un 9 niege Kommentaarn in dat Plattdüütsche Notizbook vun Marlou.

För Kinner:

Dree Gedichten mit Biller. Vun Ursula Gressmann    (10.10.)

Niege Spraakopnahmen:

Körbsen. Vun Anke Nissen

Goosalarm op'n Biohoff. Vun Antje Heßler

Mais, Mais, Mais! Vun Antje Heßler

Hartlich grööt

Marlou Lessing un dat lütte Plattpartu-Team