Plattdüütsch Bökerharvst

Baron Schilischarp

un sien Reis op de „Kole Koh“

En verdreihte Geschicht to’n Plattdüütschleern vun Christianne Nölting, de den Text utklamüstert hett, un Nicola Ashtarany, de to düssen verrückten Text de Billers maakt hett.

Dat is nu al dat veerte Geschichtenbook, dat Christianne Nölting sik hett infallen laten, dormit op heel fidele Art Kinner Plattdüütsch lehrn könnt.

Kaptein Klabauter un Macker Madsen sünd mit ehr Schipp ünnerwegens un bemööt den Spöök (den „Geist“) Schilischarp, de Legen hett na sien Leevte Sally of Solt. Dat gifft allerhand Arger op de Reis, de ok de Smuutje vun dat Schipp nich ännern kann: Wo he koken deit, hebt de Lüüd lever Hunger.

Dat is en heel afdreihte Geschicht, de hier vertellt ward, jüst so as Kinner ehr möögt. Un dor lett sik dat Plattdüütsche meist so blangenbi leern. Düttmal geiht dat üm Plattdüütsch un Ingelsch: Dat gifft soveel Plattdüütsch, wat utsüht as Ingelsch - du glöövst dat nich! 

Un denn all den besünnern Riemelkraam in dat lütt Book:  „Macker Madsen“, „Kole Koh“, Sally of Solt“, „Kaptein Klabauter“. - Dat is en heel lustig Lehrbook worrn, nich bloots för Kinner in Hamborg.

Baron Schilischarp

un sien Reis op de „Kole Koh“

En Geschicht vun Christianne Nölting

mit Biller vun Nicola Ashtarany

Quickborn Verlag 2011

4.95 EUR

ISBN 978-3-87651-370-6

(Quickborn Verlag - www.quickborn-verlag.de) 

(PLATTOLIO - www.plattolio.de)