06.02.2012 - (12009) Plattpartu in'n Sneemaand
 
                    PLATTNET-Nachrichten  06.02.2012
 
 
 
            www.plattpartu.de
 
 
 Plattpartu in'n Sneemaand

Moinmoin, leve plattdüütsche Frünnen!
 
Dat niege Johr hebbt wi nu al fast tofaat, un bi Plattpartu hett dat mit en deegten Swung niege Maten anfungen. De Maten heet Horst, Horst, Tappi un Frieda. Dat mutt ik nu verklaarn.
 
Also, Horst Wernecke ut Ahrensborg is sachs mennigeen bekannt dör sin Böker. He hett us nu Sakentexte ut de Geschichte un Vörgeschichte vun uns Kant tostüürt, de ok in sin Book "Iestied in Holsteen" (1990) rutkamen sünd. Dat Book is siet lange Tied vergrepen, un so köönt uns Plattpartu-Lesers nu de spannen Geschichtsgeschichten hier nalesen -- deelwies op dat Natuur-Flack, deelwies op anner Flacken. Twee sünd al bi Natuur rutkamen, in lose Folg kaamt mehr.
 
Horst Rehmann is villicht noch bekannter, tominnst stückerwat vun sin Biller hett jedeen al mal sehn. He maalt Minschengesichter ut Planten un Deerten, Vexierbiller, fantastisch anmoden Landschapen. Welk vun sin Biller warrt in lose Folg bi us rutkamen, tosamen mit Verse vun mi; de eersten kemen to'n Johrsbeginn. En Kalenner, as wi dat al mehrmalen harrn, warrt dat nich in'n engern Sinn, avers villicht in en annern Sinn doch.
 
Tappi is en Waldwicht. Eentlich is en en Danntappen, dorna heet he ok. He wacht in den Goorn vun Antje Heßler över de Winterblööm un de opwaken Natuur un warrt dat noch stückerwat Aventüür beleven.
 
Un Frieda is en Terrier. Ehr Foderbüchsenapenmaker is Willi Höfig. Un wenn he mit Frieda op Patrouille geiht, hett he so allerhand to denken. Wenn dat mit dat Denken nich klappt, hölpt Frieda na. Un de Gedankens köönt Se denn in Frieda un Willi Höfig ehr lütt Blog bi us lesen. Wieldat de Gedankens vun Hunnen un ok de vun Minschen nich alltied in Schuuvladen passt, drifft Frieda op ünnerscheedlich Flacken bi us ehr Wesen; de Links gaht denn vun överall op ehr lütt Blog.
 
Mutt ik nu noch seggen, dat wi us dull frein doot över de niegen Maten?
 
Natüürlich weer dat nich dat eenzige, wat los weer; överall güng dat levig los, sünners op dat Künst-Flack, 'neem Ludgerd Lüske Karl Binders kaptale Pyrmont-Aquarelle wiest un twee fidele Giselas ut Rostock in de Ieswelt afduukt. Un in't Natuur-Notizbook, 'neem de Sneemaand amenn doch noch Ehr för sin Naam inleggt. Orr villicht seggt Se de Fischpött to, de Rudi Witzke all un een sülven dörprobeert hett, orr Se truert üm dat tweigahn Schipp mit Cord Denker, orr Se freit sik an de Aquamarine, mit de Anke Nissen uns lose Reeg över Steens foortsett. Söcht Se sik wat ut!
 

Nu de Översicht. In'n Sneemaand geev dat düsse niegen Bidrääg op Plattpartu.de:

Plattdüütsch Künst:
 
Stillstahn op'n Weg. Biller vun Horst Rehmann mit Verse vun Marlou Lessing    (29.1.)
In dei Ieswelt ...weern Gisela Reink un Gisela Schwarz    (29.1.)
Frieda: Parallelwelten. Vun Willi Höfig    (26.1.)
Karl Binder un Pyrmont, porträteert vun Ludgerd Lüske    (17.1.)
Notizen ut'n Braakmaand. Fotos un Verse     (8.1.)
 
De Welt un Gott:
 
Frieda: Wahrschau! Vun Willi Höfig    (29.1.)
Vun Fischpött un Fischsuppen, opschreven vun Rudi Witzke    (29.1.)
Frieda: De Vagel Fenix. Vun Willi Höfig    (26.1.)
Frieda: Stück Pappier ut'n Müll. Vun Willig Höfig    (26.1.)
Propst Grüber. An em erinnert Karl-H. Sadewasser    (17.1.)
Holl ähm still! Ewald Eden erinnert sik    (15.1.)
Gospel. Vun Anke Nissen    (15.1.)
In de Harten warrt't warm..., erinnert sik Günter Weber    (10.1.)
 
In't Lütte Gebeedbauk:
Costa Concordia -- Requiem för en Schipp. Vun Cord Denker    (22.1.)
Woort för't Johr 2012. Vun Rudi Witzke    (2.1.)
De Jahreslosung. Vun Karl-H. Sadewasser    (1.1.)
 
Natuur un Wetenschap:
 
Wunnerwark ut Iesen. Vun Horst Wernecke    (26.1.)
Steens: Aquamarin. Vun Anke Nissen    (19.1.)
Iestied in Holsteen. Vun Horst Wernecke    (8.1.)
 
In't Natuurnotizbook:
En Sünndags-Gast keem bi Marita Pollaks Dochter an    (30.1.)
Boomblödenpracht nimmt in de Küll Schaden, förcht Antje Heßler    (30.1.)
Möwen sünd ganz schön luud, meent Anke Nissen. Mit Spraakopnahm    (26.1.)
Lampenputzer hett Antje Heßler as Deko    (22.1.)
Nepal-Tee. Vun Anke Nissen, mit Spraakopnahm    (22.1.)
Uns Fründ, de Mullwarp. Vun Karl-H. Nissen    (10.1.)
Gries! Vun Anke Nissen, mit Spraakopnahm    (10.1.)
Wederwendisch! findt Antje Heßler de Oostsee    (8.1.) 
 
Wat in de Welt vörgeiht:
 
 Frieda: Dat trurige Nilpeerd. Vun Willi Höfig    (29.1.)
 
4 Kommentaarn in Ewald Edens Blog Eden meent
...un 6 Kommentaarn in't Plattdüütsche Notizbook vun Marlou
 
För Kinner:
 
Tappi, de Waldwicht: De Planten truut sik wat! Vun Antje Heßler, mit Spraakopnahm    (29.1.)
De Poggenkönig, kort navertellt vun Ursula Gressmann    (22.1.)
Tappi, de Waldwicht: Winterblööm! Vun Antje Heßler, mit Spraakopnahm (15.1.)
 
 
Niege Spraakopnahmen:
 
Tappi: De Planten truut sik wat. Vun Antje Heßler
Tappi: Winterblööm. Vun Antje Heßler
Nepal-Tee. Vun Anke Nissen
Gries! vun Anke Nissen

 
Hartlich grööt
Marlou Lessing un dat lütte Plattpartu-Team 
______________________________________________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de