Modellschool
Plattdüütsch
An
de Regionalschool
Niebüll könnt de Kinner
Plattdüütsch
lehrn
(pn) Plattdüütsch in de School? An de
Regionalschool Niebüll (Nordfreesland) is dat
Programm!
In de 5. un 6. Klass könnt de Kinner in
den Wahlplichtberiek Plattdüütsch lehrn. Dorför gifft dat de
„Sprachenklasse-kreativ“. Sünnerlich över dat plattdüütsch Theaterspelen warrn
de Jungs un Deerns kunnig maakt mit de Regionalspraak. Un dor kümmt jümmers wat
Grootardiges bi rut: Tweemal is de School uttekend worrn mit dat Siegel
„Plattdüütsche School“, un ok de niege „Emmi för Plattdüütsch“ is düt Schooljohr
an de Regionalschool Niebüll gahn. Dat de School sik so vörbildlich för de
plattdüütsche Spraak insetten deit, dat is vör allen Dingen de Schoolmestersche
Nu schall de School Modellschool för
Plattdüütsch warrn, dat heet, dat gifft Ünnerstütten för de Arbeid vun’t Kieler
Bildungsministerium: Extrastünnen för den Insatz vun de Schoolmestersche un en
finanziell Polster för besünnere Utgaven un Projekte. Twee Johr lang ward nu
keken, woans sik de Ünnerricht wieder entwickeln deit. Lüüd vun de Uni in
Flensborg warrn dorbi ween, un Hölp gifft dat ok vun dat Plattdüütsche Zentrum
in Leck. An’t Enn ward dat en Dokumentaschoon geben, dormit villicht ok anner
Scholen na dat Bispill Plattdüütsch ünnerrichten künnt.
_______________________________________________________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de)
Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de