Twintig Jahr
In de Septembermaant 1992 kwamm de
eerste DIESEL in de Welt, groot un swart, ’n bietje unfrünnelk van Utsehn her un
dat was ok so docht. ’t sull keen Heimatbladdje wesen.
Is ’t ok neet
worden. Uns eerste Idee was ’n Soort
Tiedschrift för neje Literatuur. Un wat wurr d’r van? Wi hebben alltied höört up
uns Lesers, un hebben heel heel vörsichterg dit un dat upgrepen, hier un daar
wat verannert, ’n bietje mehr Klöör rinbrocht… De oostfreeske Schrievwies
dörsett – heel van Belang (intüsken benieden uns all de annern up uns oostfreesk
Regelwark) un alltied weer hebben wi olle Schrieverslüü weerfunnen un för neje
Schrieverslüü ’n Plattförm boden.
Un ’n heel Rieg Künstlers hett geern en
Titelbild för
Man well harr dat docht, dat wi mehr as
80 Utgaven vörnanner kregen (un nu up de 100
togahn!)?
Dat mutt fiert worden, hebben wi seggt.
In Septembermaant, in de Plattdüütsmaant. Klaar.
In Engerhaav, bi Margritt un hö Lüü van
un in de Gulfhoff Ihnen, midden tüsken Nörden, Emden, Auerk, un alltied is daar
so ’n heel besünners moje Stimmung. Margritt see futt van
„Ja!“
Dann de Ofloop: Lesen, – mitnanner
Proten – Musik.
De Musik wull gliek Otto Groote maken,
mit sien Ensemble: Matthias Malcher un Ralf Strotmann, de de meesten wall al
kennen (se komen all Jahr to dat Festival zwischen den Jahren na Engerhaav.) Un
well hör bit nuto neet kennt, de sall dat man gau nahalen! Kann an de 23. Sept.!
Se hebben denn ok al den „Bevensen-Pries“ för plattdüütske Musik in
Hannen.
De Schrieverslüü, uns Autoren: De
bruken wi ok, nödig. Se könen an de Namiddag körte Texten ut hör Wark lesen, elk
hett 4 Menüten Tied. Well mag, brengt ’n Text mit, smitt ’n Beerdecksel mit sien
Naam in en Sack, un dann worden de trucken, de lesen düren. 4 Menüten lang.
Mooi, nee?
Wi willen mitnanner fieren an Sönndag,
23. September, van Klock 3 of an mit Tee un Torten un mit Koffje un Kook in
Engerhaav in de Gulfhoff Ihnen. anmellen@diesel-online.de
__________________________________________________________________________________________________________________________________________________________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv:
alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de)
Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de