DAT
BLATT op Platt
Heft 2/2012 is rutkamen
Rechttiedig bevör de Bökermess in
Hamborg losgeiht, is dat ne’e „BLATT op Platt“ in de Ladens. Titelthema is de
Schauspeler Nils Owe Krack, de bi Ohnsorg gode Kritiken kregen hett – un as
Landminsch Blomen verköpen deit. Ok annere Aktivitäten an’t Ohnsorg-Theoter
sünd Thema in dat Heft, to’n Bispill de op de Studiobühn. De Schriewers vun dat
Blatt hebbt ok verscheden Lüüd in ganz Norddüütschland besöcht un doröber
schreben: En Portrait över de Husum-Verlagsgrupp, den Quickborn-Pries för
Hartmut Cyriacks un Peter Nissen, de Folk-Grupp Laway ut Freesland, de Arbeid
vun en Steenmetz un mehr vun düt un dat ut Stadt un Land. Op Tour weern se
dütmal in Göteborg un an de schwed’sche Westküst.
Dat Heft hett veerunveertig Sieden, is ganz in Farv un kost 5,- Euro (Versandspesen: 1,50 Euro). DAT BLATT kümmt twee Maal in’t Johr un kann ok abonneert warrn. De mehrsten Texten sünd schreven in dat Platt, wat twüschen Bremen, Lübeck un Kiel snackt warrt; annere in dat „Noord-Platt“ vun ganz hooch baven. Aver ok Dialekten ut anner Regionen warrt nich vergeten. En Deel vun de Texten warrt in „o-Platt“ schreven („boben“, „Obend“ usw.). De Internetadress is: www.plattzeitschrift.de
_________________________________________________________________________________________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv:
alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de)
Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de