De fofftig
Penns - Löppt
To’n Ankieken un Tohören: Musikvideo
bi Youtube
De dree
Jungs vun de Band „De fofftig Penns“ hebbt ehr erst Musikvideo trecht. Dat
gifft’t överall dor, wo dat Internet geben deit. Düt sünd de Links
dorhen:
http://www.youtube.com/watch?v=IwdplnFgjsc un
http://www.defofftigpenns.de
„Dat
gifft Muuskanten, de druckst bi de Fraag na jemehr Genre eersmol rüm. De fofftig
Penns seggt klipp un klor: Wat wi maakt, dat is Dialektro! Middewiel wahnt de
dree Jungkeerls, Riemelmeester Malde, Kommodige Jaykopp un Plietsche Torbän, as
Buten-Bremen-Noorder in Berlin, Hamborg un Ibiza.
Se hebbt
to'n eersten Mol de Musiken Elektro, Punk un Pop mit Spreekgesang in de Spraak
vun jemehr Grootöllern vermengeleert un dat maakt jem to de „Gründer des
plattdeutschen Elektro-Hip-Hops“ (RTL). Blangen egen Hits, de vun Bietmeester
Simon Heeger produzeert warrt, bedeent sik De fofftig Penns för jemehr Musik
geern an Kraam vun verscheden (hooch-) düütschen un internatschonalen Künstlers,
de dat al geven deit.
De dree
Jungs ut Bremen-Noord lehren sik kennen, wieldes se noch na School gungen,
grünnt hebbt se de Band in't Johr 2003. De Naam kummt vun den olen Snack „Beter
50 Penns as gor nix“, man ok vun dat eerste Leed, wat se maakt hebbt, 'n Cover
vun 50 Cent sien „P.I.M.P.“.
För de
dree „Musikers§ föhlt sik dat up de Bühnen vun Noorddüütschland intwüschen jüst
so good an as in jemehr Katen achtern Diek. Un wenn dat leif on stäitsch geiht,
denn gifft dat aver wat to beleven! „De eerste Dree-Mann-Shantychor vun de Welt“
(Intro) wiest sik normalerwies in de traditschonelle Sünndagskledaasch vun
jemehr Grootöllern: witte Malerantöög, plinken Neon-Schörts, düüster Sünnbrillen
un bavenup 'n poor Megafonen.
Liekers
seggt sik de dree Performance-Künstlers: „Överall geiht morgens de Sünn up.“ Un
so blievt Malde, Jaykopp un Torbän an't Enn vun den Dag even doch bloots de
idealen Swiegersöhns vun blangenan. Plattdüütsch Elektro-Hip-Hoppers
even.“
(Text:
De Fofftig Penns - www.defofftigpenns.de)
www.facebook.com/defofftigpenns
Die Single „Löppt“ ab 9.11. als Download bei iTunes: http://snip.ftpromo.net/loeppt
_________________________________________________________________________________________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv:
alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de