30.11.2012 - (12115) "Plattdüütsch in de Adventstiet"
                    PLATTNET-Nachrichten   30.11.2012  
 

   

 

„Plattdüütsch in de Adventstiet“

Landtagspräsident Klaus Schlie beim Plattdeutschzentrum in Ratzeburg

 

De Präsident vun den Sleswig-Holsteenschen Landdag Klaus Schlie un de Baas vun dat Plattdüütschzentrum in Ratzborg Volker Holm harrn inlaadt to en plattdüütschen Abend in de Vörwiehnachtstiet. Un vele, vele Lüüd weern kamen, dat de Ratssaal in dat Ratzborger Rathuus meist to lütt weer. De Präsident sä, dat düsse Veranstalten an’t End vun’t Johr en lütt Dankeschön ween schull för all de, de sik jümmers för de plattdüütsche Spraak insetten doot, sünnerlich all de Ehrenamtlers.

Dat Programm an düssen Abend weer en heel besünners: Thomas Lenz, den de Lüüd as Radiomann bi’n NDR kennen doot, vertell mit veel Amüsemang vun Fruunslüüd un Mannslüüd, vun Hunnen un Computers, man ok vun dröge Wiehnachtskoken un anner Wiehnachtsgrugen: „Wiehnachtsweten to’n Wiederseggen“. Op ganz feine Art stüer Arne Wolf, Gitarrenlehrer ut Lübeck, wunnerbore Musik dorto.

Achteran geev dat en beten wat to Bieten un to Trinken un Tiet för en Klönschnack mit Künstlers un Besökers.

Volker Holm sä Dank ok an Börgermester, Börgervörsteher un Plattdüütschbeopdragte, de holpen hebbt, dat de Veranstalten in’t Ratzborger Rathuus stattfinnen kunn.

(PLATTNET-Nahricht)

_____________________________________________________________________________________________________________________________________________________________________________________________________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de  ist ein Dienst des Zentrums für Niederdeutsch in Holstein (www.niederdeutsch-zentrum.de)  

PLATTNET.de  Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de