„Liekedeler“ op
Wiehnachtstour
De lütte Kark vun Bartheil
(Bargteheide) weer vull mit Lüüd, de ut den ganzen Kreis Stormarn kamen weern,
as de Gruppe „Liekedeler“ den ersten vun ehre Wiehnachtsoptritte maken dee.
Inlaadt harrn Paster Cord Denker un de Heimatbund Stormarn so as jedet
Johr.
Schöne muntere Wiehnachtsmusik kregen
de Besökers to hören. Dorbi hebbt de dree Musikers op dat een un anner
internatschonal bekannte Leed en niegen passlichen Text op Platt maakt. Düsse
plattdüütschen „Cover-Versionen“ hebbt de Lüüd bannig goot gefullen un se wullen
de Grupp an’t Enn gar nicht wedder weglaten.
Cord Denker sorg darfor, dat ok dat
Publikum mitsingen kunn: He hett ja ok op so mennig ole Leder niege Texten
maakt. Twüschdörch vertell he egen Geschichten un Gedichten. Sünnlich goot
ankamen dee sien lustig Düden vun den „Bargteheider Buckel“, den he as den Düvel
sien Moors verkloren dee.
Över twee Stunnen lang gung dat heel
vergnöögt to in de Kark vun Bartheil. „Överall sünd de Karken eenmal in’t Johr
proppevull“, sä Cord Denker, „dat is an Wiehnachten. Bi uns is se ok vull bi’t
Konzert vun de Liekedeler!“
In de tokamen Tiet sünd de Liekedeler
mit ehr Programm „Wiehnachtsgeschichten“ in Holsteen un Hamborg ünnerwegens.
Denn is Petra Wede de, de twüschen de Leder plattdüütsche Geschichten vertellen
deit:
Hamburg: Brakula, Bramfelder Chaussee
265, Fr., 14. Dez., 20 Uhr
Elmshorn: Dittchenblihne,
Herm.-Suderm.-Allee, Mi., 12. Dez, 19 Uhr
Rellingen: Kirche, Hauptstr. 27a, Do.,
6. Dez., 19 Uhr
Scharnhorst: Zur Post, Heerstr. 7, So.,
23. Dez., 14.30 Uhr
Uetersen: Museumsscheune, Heidgrabener
Straße 1, Sa. 15. Dez., 20 Uhr + So. 16. Dez., 15 Uhr. Vorverkauf:
Blumen-Hinsch, Tel. (04122) 2903, Foto Schweim, Tel. (04122)
2509
Rechttiedig to de Tour is ok de niege
CD vun de Liekedeler + Petra Wede rutkamen:
„Swinging Wiehnacht“. Se ward bi de
Konzerten verköfft un kost 12 Euro.
Anm.: Keen nich weet, wat dat mit den „Bargteheider Buckel“ op sik hett, de schall man driest mal dorna googlen!
(PLATTNET-Nachricht)
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de