Plattpartu
in’n Nevelmaand
Novemberspazeergang
Wenn ik
dör düstern Nevel gah,
seh ik miteens din Gevel nah.
Ik öög över din
Finsterbank,
förcht, dat ik bloots Gespinster fang --
Din moi Gesicht
inladen nückt!
So is't, wenn Promenaden lückt.
Moinmoin, leve
plattdüütsche Maten un Frünnen!
Baven is bloots de
Schüddelriemel "Finsterbank -- pinster fang" nich korrekt vunwegen dat p un
b. Ut mi warrt doch noch wat :-)
De eerste Kerz flackert
op de Startsiet vun Plattpartu, is Advent! De Stille Tied, dat
Dodengedenken, is in de Lichtertied opgahn. Wi kiekt torüch op den
Nevelmaand: Rudi Witzke hett för Plattpartu de Genehmigen erwirkt, Gedichten vun
Eva Christina Zeller, de se op den Dood un de Truur schreven hett, in Platt
ruttobringen. De dree Delen vun De Erfinnen vun dien Dorsien sünd
so över den November verdeelt rutkamen -- Gedichten, de een mehrmalen un jümmer
wedder lesen kann.
Ok Ewald Eden hett mit
Verse op Hanne Hinz ehr Moders Bild un den Nevelmaand to de Stille Tied bidragen. In't Lütte Gebeedbauk finnt sik niege
Bildmeditaschoonen un Gebeden. In en nieg anfungen lose Reeg vertellt Horst
Wernecke lütte Anekdoten ut Noorddüütschland un de Welt. Man ok dat Marsmobil mit sin plietsches
mobiles Chemielabor is wieder ünner Beobachten vun Ludgerd Lüske; uns ole Fründ
Kuddel mellt sik ok, wieldes sin
Bertha meist en Intellektuelle warrt; Naturnotizen sünd rieklich da, ok Ewald Eden bloggt flietig, wieldes ik bloots
een Foto maakt heff -- avers en schönes; un amenn nimmt Antje Heßler en
versöhnlichen
Afscheed vun den Nevelmaand.
Besünners frein warrt sik
welk, dat ok endlich bi www.numanto.de en Update rutkamen
is -- mit veerteihn niege Riemels, as sik dat na en halv Johr anstaut
harr.
För den Advent un dat
Wiehnachtsfest wünscht wi all uns Maten en segensrieke Tied! De Rundbreef mellt
sik wedder in't niege Johr.
Nu de Översicht. In'n
Oktobermaand geev dat düsse niegen Bidrääg op
Plattpartu.de:
Nevelmaand. Fotos un Verse vun Ewald Eden
(25.11.)
Innocentia. Skulptur, vörstellt vun Katja Renfert
(18.11.)
Wassende Krinks. Rilke, översett
vun Rudi Witzke (18.11)
Notizen ut'n
Oostermaand. Fotos un Verse vun Marlou
Lessing (4.11.)
Dat Erfinnen vun dien Dorsien. Deel 3. Gedichten vun Eva Christina Zeller
(25.11.)
Eenmal besapen
langt! Udel Feldhusen
vertellt (25.11.)
So weer dat mit de
Tonaams. Vun Horst Wernecke
(25.11.)
Dat Erfinnen vun dien Dorsien. Deel 2. Gedichten vun Eva Christina Zeller
(18.11.)
Dat Erfinnen vun dien Dorsien. Deel 1. Gedichten vun Eva Christina Zeller
(11.11.)
Anekdoten ut Noorddüütschland un de Welt:
Nolde un Fischkopp. Vun Horst
Wernecke (8.11.)
De Lübecker
Märtyrer. Predigt vun Sabine
Stürzer (4.11.)
In't Erinnern-Notizbook:
Dat weer eenmaal... en
Möhl. Vun Thomas Seemann/Rudi
Witzke (30.11.)
Moders Bild. Vun Hanne Hinz/Ewald Eden
(25.11.)
In't Lütte Gebeedbauk:
Utgang.
Vun Rudi Witzke (30.11.)
Uns Tiet -- Shalom. Vun Rudi Witzke
(25.11.)
Naver röppt na di. Vun Rudi Witzke
(25.11.)
Buß- un Beeddag 2012, Krieg
överall. Vun Marlou Lessing
(21.11.)
Novemberdaag. Vun Antje Heßler, mit Spraakopnahm
(30.11.)
Sandlock
up'n Mars. Vun Ludgerd Lüske
(11.11.)
In't Natuurnotizbook:
Twee Kostgänger. Vun Antje Heßler
(30.11.)
Hagebutten-Tee. Vun Anke Nissen
(21.11.)
Fröhstück mit Jan
Flink. Vun Antje Heßler
(18.11.)
Dor sünd se wedder, de
Siedensteerten! Vun Antje
Heßler (11.11.)
Nacktsnicken in'n
Nevelmaand. Vun Silke
Frakstein (4.11.)
Kuddel: De Pries för de Eenheit.
Vun Martin Ripp (4.11.)
5 niege Kommentaarn in
Ewald Eden sin Blog Eden meent
...un 1 niegen Kommentaar
in Marlous Plattdüütsches Notizbook.
Niege Spraakopnahmen:
Novemberdaag. Vun Antje Heßler
Hartlich
grööt
Marlou Lessing un dat lütte Plattpartu-Team
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle
Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de