26.04.2013 - (13038) DAT BLATT op Platt 1/2013

 

 

DAT BLATT op Platt 1/2013

en ne’e Utgaav vun de Platttietschrift is dor

 

De ne’e Utgaav vun DAT BLATT op Platt is jüst rutkamen. Titelthema is de Schauspeler, Sänger un Moderator Rüdiger Wolff, de dissen Sommer sien veertigjohriget Bühnenjubiläum fiert. En anner Reportaasch vertellt vun den Reetdackdecker Hermann Suhr. Un dat gifft Berichten över Hamborg in Flammen („Operation Gomorrha“ 1943), de Aktschoon „plan international“, de Kinner in arme Länner hölpen deit, plattdüütsche Seminare bi den „Amateurtheaterverband Schleswig-Holstein“, en Tour dörch Rumänien un noch ganz veel mehr. Dat gifft Narichten ut de plattdüütsche Welt, ne’e Böker un CDs warrn vörstellt un en Kalenner tellt op, wat dat in dütt Johr för Veranstalten gifft.

Mehr ünner www.plattzeitschrift.de - dor gifft dat ok en List mit all Ladens, wo een DAT BLATT köpen kann, dat steiht ünner IN’N LADEN KÖPEN. Över de Internetsiet kann een ok en Abo un enkelte Heften bestellen.

2013 gifft dat blots een Utgaav vun DAT BLATT. Dorna maakt dat Redaktionsteam en Paus bet tokamen Fröhjohr. 2014 schall dat denn wedder twee Utgaven geven.

 

Besöök ok http://www.facebook.com/PLATTNET.de un wies uns, dat di PLATTNET.de behagen deit!