„Dat grote
P“
En Utteknung för Annemarie
Jensen
Wat maakt en Doktersche, wenn se in
Pengschoon geiht? -
Annemarie Jensen ut Flensborg hett sik
för’t Plattdüütsche stark maakt. Se hett den Uttuusch mit de Plattdüütschen in
de USA in Gang holen un se hett över de Heimatspraak Plattdüütsch schreben. Dat
een weern Grammatikböker över de Spraak in enkelte Rebeten, dat anner Kolumnen
in’t Daagblatt jedeen Wuch. Dor sünd Böker ut worrn. Dat eerst - „Plattdüütsch
leevt. Gedanken över plattdüütsche Wöör“ - gifft dat nu al in de twete Oplaag.
Dat twete is jüst rutkamen: „Dit un dat besnackt op Platt“. Dat sünd lütte
Texten över de plattdüütsche Spraak un ehr Egenorten - afdruckt in’t Flensborger
Dagblatt bi den sh:z-Verlag.
Un nu kriggt se en Pries. An’n 7. Juni ward ehr in Flensborg dat Grote „P“ tostüert, en Utteknung för Plattdüütsch, de vun dat Plattdüütsche Zentrum in Leck un sien Fördervereen utlooft ward. Dormit warrn ehre Verdeenste üm de Spraak würdigt. Ok de Präsident vun den Sleswig-Holsteenschen Landdag, Klaus Schlie, ward na Flensborg kamen un en Loffreed holen.
Dat niege Book is in Husum
rutkamen:
Annemarie
Jensen:
Dit un dat besnackt op
Platt
Plattdüütsch
leevt
Husum Druck,
2013
ISBN
978-3-89876-664-7
8,95 Euro
(PLATTNET-Nachricht)
Besöök ok http://www.facebook.com/PLATTNET.de un wies uns, dat di PLATTNET.de behagen deit!
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de