Johannes Diekhoff
overleden
(zum Tode von Johannes Diekhoff)
An 3. August is Johannes Diekhoff (1919
– 2013) ut de Tied raakt. He was in Oostfreesland to Huus un hett sien Leven
lang besünners dor sük insett för de plattdüütsche Spraak, för oostfreeske
Literatur, för de Histoorje van dat lüttje Land, man ok för de Minschen,
besünners för de, de dat nich so good truffen
harren.
Aver ok buten
Oostfreesland hett he sük ’n Naam maakt. He
was in Kontakt mit ’n heel Rieg van Kulturvereenen, plattdüütsche Kringen,
Schrieversklottjes. So was he lange Jahren ok in Bad Bevensen dorbi, bi de
Quickborn, bi de Ollbörger Spieker, aver ok in hoogdüütsche Vereenen as de
Borchert-Gesellschupp.
Aver as an Ingang
al seggt: Besünners was he de Motor in Oostfreesland. Dat Europahuus in Auerk as Volkshoogschool mit
internationale Besökers, de Gesamtschool in Auerk, de Arbeitskreis
ostfriesischer Autoren, de Vereen för Spraak un Kultur „Oostfreeske Taal“, dat
Vörleestelefon Oostfreesland, all dat un vööl mehr hett he in Gang sett.
75 Jahr stunn sien Johanna hum tosied,
in de lesde fiev Jahren hett he nochmaal glückelk leevt mit sien Theda. Un en
Wark ut sien lesde twintig Jahren was dat Bladd DIESEL, dat he mit
Johannes Diekhoff hett in Oostfreesland
’n groot Gatt achterlaten. Man wat he anstött hett, dat
blifft!
(Carl-Heinz Dirks - www.diesel-online.de)
Besöök ok http://www.facebook.com/PLATTNET.de un wies uns, dat di PLATTNET.de behagen deit!
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de