03.12.2013 - (13132) "Wiehnacht an de Küst"

 

 

„Wiehnacht an de Küst“

Plattdüütsch Texten un Musik in de Vörwiehnachtstiet

 

Zwischen Fehmarn un Hamborg sünd de Musikgrupp „Timmerhorst“ un de Vörleser Heinrich Evers ünnerwegen mit „Wiehnacht an de Küst“. Allens wat Spaaß maakt un wat in düsse Tiet passen deit, dat hebbt se rinpackt in ehr nieges plattdüütsches Wiehnachtsprogramm.

„Timmerhorst“ is al vör vele Johren mit egen plattdüütsche Musik bekannt worrn. Nu hebbt se wedder en Barg bekannte Wiehnachtsleder op ehr Art "platt" maakt. „Heiner den Plattsnacker“ kennt wi as plattdüütschen Blomen-Höker vun Niestadt an de Oostsee, de bestens üm dat Plattdüütsche in’n Kreis Ostholstein Bescheed weet. He ward ut sien "Plattdüütsch Leesbook" nadenkern un fröhlich Texten rutfinnen un vördregen.

Un düt is de Wiehnachtstour:

Dünnersdag, 5.12.2013, in Oldenborg/Holsteen;

Sünnabend, 7.12.2013, in Lübeck;

Sünndag, 8.12.2013, in Schmalensee bi Bornhöved;

Sünndag, 8.12.2013, in Niestadt/Holsteen;

Sünnabend, 14.12.2013, in Bad Malente;

Sünndag, 15.12.2013, in Hamborg.

(De Klockentieden un allens annere ünner: www.timmerhorst.de / Termine)

(PLATTNET-Henwies)

Besöök ok http://www.facebook.com/PLATTNET.de un wies uns, dat di PLATTNET.de behagen deit!