„Plattland
X-MAS Party“
Wattenläufers
Weihnachts-CD 2013
(pn) De
„Wattenläufer“ sünd intwüschen bekannt in’n Norden. Se hebbt Optritte hatt to’n
Bispill in Bad Bämsen (Bevensen), in Lümborg (Lüneburg) un bi dat
PLATT-Live-Drepen vun’n NDR in Niemünster (Neumünster). Annerletzt weern se bi
de „Fischer-Wiehnacht“ in Niendörp an de Oostsee bi Lübeck. Dor hebbt se ehre
niege CD vörstellt: „Plattland X-MAS Party“.
Dat is
plattdüütsche Wiehnachtsmusik in’n Rock-Style – typisch NORDIC
ROCK!
De Wattenläufer
covert Welthits, maakt er platt op ehr egen Art. Dor is „Last Christmas“ op Platt to höörn - ok as unplugged Version.
Un ok „Jingle Bells” / “Wiehnachtsklock”. Dat Rendeert Rudolph hett ok op
Platt en rode Nääs, un dat Fresenhoff-Leed vun Knut Kiesewetter gifft dat in en
niege Wattenläufer-Version.
Mit bannig veel Swung sünd ok ole plattdüütsche Traditionells dorbi:
„Mien Jehann” un „Dat du mien Leevsten büst” vun Klaus Groth. Dat Letzt ok as
Karaoke-Version.
16 rockige
Songs auf Platt för Lüüd, de de Wiehnachtstiet nich melangklöderig beleven
möögt.
Op de Websiet vun de Grupp – www.wattenläufer.de – gifft dat en Shop, woneem een de Schiev köpen kann. Kosten deit se 14,99 Euro. Bispillen sünd dor antohöorn. Ok bi iTunes, amazonmp3 usw.
(PLATTNET-Nachricht)
Besöök ok http://www.facebook.com/PLATTNET.de un wies uns, dat di PLATTNET.de behagen deit!
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de