PLATTNET-Nachricht - 24.10.2014
Plattdüütsche
Kalenner för 2015
Wedder gifft
dat en Barg plattdüütsche Kalenner för dat niege Johr.
Rechttiedig för de Bökermess Anfang November sünd se dor. Vun düsse hier hebbt wi to weten kregen:
Al en poor Johr
lang kennt wi „Tohuus. Plattdeutsch durch das Jahr“. En handlichen Kalenner för
de Wand mit 14 schmucke Landschop-Fotos, de Günter Pump maakt hett. Dorto lütte
Riemels, to’n Bispill vun Rudolf Kinau, Klaus Groth un Fritz
Reuter.
En
översichtlich Kalendarium op jede Siet hört is ok dorbi. Dat Besünnere: Ok för
den Januar 2016 is noch en Siet vörsehn!
Tohuus
2015
Plattdeutsch
durch das Jahr
Fotografien von
Günter Pump
Quickborn-Verlag,
Hamburg 2014
ISBN
978-3-87651-386-7
6,95 Euro
In de Edition
Fehrs-Gilde is wedder rutkamen „De Plattdüütsche Kalenner 2015“. He is al en
Klassiker ünner de plattdüütschen Kalenner: 33 x 33 cm groot un mit Spirale to’n
Ümbledern un Ophangen. He is en „Mariannen-Kalenner“: De twölf groten Fotos, de
de Johrstieden repräsenteern doot, hett Marianne Obst maakt, de Riemels dorto -
fein op de Biller afstimmt - sünd vun Marianne Ehlers.
De
Plattdüütsche Kalenner 2015
Gedichte von
Marianne Ehlers / Fotos von Marianne Obst
Edition
Fehrs-Gilde
Wachholtz-Verlag,
Neumünster/Hamburg 2014
ISBN
978-3-529-04928-6
9,90
Euro
En niegen
Kalenner is de, mit den uns de Verteller Matthias Stührwoldt dörch dat Johr
bringen will. Dorto hett he, de egentlich Geschichten vertellen deit,
plattdüütsche Monatsgedichte maakt. Dor is to marken, dat de Buer Stührwoldt
ganz eng mit de Natur leben deit. - Passliche Biller dorto hett Günter Pump
maakt.
Mit Matthias
Stührwoldt dörch dat Johr 2015
Plattdeutsche
Monatsgedichte von Matthias Stührwoldt
Fotografien von
Günter Pump
Quickborn-Verlag,
Hamburg 2014
ISBN978-3-87651-387-4
6,95 Euro
Ganz fein worrn
is ok de niege Kalenner „Schriev mal wedder Platt“. De Hamborger Tiet för
Platt-Verlag hett jüst en „Plattdüütschen Postkortenkalenner“ för 2015
rutbröcht. En Kalenner, de een an de Wand hangen kann orer opstellen op de
Vitrin orer den Schrievdisch. Wunnerbor Fotos sünd dor jedeen Maand to sehn un
en lütt fien Snack op Platt. Wenn de Maand rüm is, lett sik dat Kalendarium, op
dat ok de olen plattdüütschen Namens för de Maanden op sünd, afrieten un
nablifft en Postkort, de een geern verschicken mag: „Velen Dank!“, „Ik graleer
vun Harten!“, „Allens Gode!“ ... Utdacht hett sik dat allens Evelyn Röhe, de ok
de schmucken Biller un Texten maakt hett.
Schriev mal
weder Platt
Plattdüütsche
Postkortenkalenner
Fotografien vun
Evelyn Röhe
TIET FÖR
PLATT-VERLAG, Hamburg 2014
ISBN 978-3-9814757-2-2
7,50
Euro
De Kalenner gifft dat in’n Bookhannel un bi www.plattschapp.de
Besöök ok http://www.facebook.com/PLATTNET.de un wies uns, dat di PLATTNET.de behagen deit!
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de ist ein Dienst des Zentrums für Niederdeutsch in Holstein (www.niederdeutsch-zentrum.de
)Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de