Freudenthal-Pries
2015 för Renshi-Literatur
Marlou
Lessing un Dr. Willi Höfig mit en gemeensam
Projekt
Düt Johr güng
de beropen Freudenthal-Pries an Dr. Willi Höfig un Marlou Lessing, de vun
Plattpartu.de en ganzen Barg Lüüd bekannt sünd. An’n Sünnavend, 26.9., weer de
Verleihen in’n Schroers-Hof in Neuenkirchen bi Soltau in stimmungsvolle
Atmosphäär. De prämierte Text, utstatt mit kongeniale Biller, is nu ok to köpen
– Marlou Lessing hett dorför egens en lütten Verlag gründt un dat drucken laten.
Ok in tokamen Johrn schall in düssen Verlag de een orr anner Parl vun
nedderdüütsche Literatuur rutkamen.
„Dat grote
Speel. Renshi“ heet dat lütte Book. En Renshi is en japaansches Wesselgedicht
vun en ganzen Koppel Dichters, to dat sik de Schrievers eentlich tohoopsetten
doot. Marlou Lessing un Willi Höfig hebbt dat över Email maakt, so as
„Fernschach“ – un op düssen Weg is dat Bild vun en Schachspeel tostann kamen. De
Dichters föhrt de Schachfiguren in 29 Gedichten dör de Landschap, Geschichte un
Gegenwart vun Sleswig-Holsteen un de Welt. Jasmin Apcin ut Hamborg hett dorto
Aquarelle maalt, de to’n Wunnerwarken sünd. Op de Homepage vun den Verlag
http://verlag.marless.de/ lett sik en Leesproov ankieken. An’t Enn vun’t Book
finnt sik ok en hoochdüütsche Översetten vun all
Gedichten.
Dat lütte Book
kost 12 Euro un is bi den Verlag http://verlag.marless.de/ to bestelln
(Marlou)
Besöök ok http://www.facebook.com/PLATTNET.de un wies uns, dat di PLATTNET.de behagen deit!
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
Wer in Zukunft keine E-Mail-Informationen von
PLATTNET haben möchte, den bitten wir, uns das in einer kurzen Nachricht
mitzuteilen: nieges@plattnet.de