PLATTNET-Nachricht  -  09.02.2016

Plattdüütsch Weken

in de Hansestadt un in'n Landkreis Lümborg

To´n drütten Mol gifft dat na 2012 un 2014 plattdüütsche Weken in de Hansestadt un in´n Landkreis Lümborg. In düsse Tied wüllt vele Plattsnackers un de plattdüütschen Krings wiesen, wat se maakt un wat dat all gifft.

In negen Weken (vun´n 14.02. – 17.04.2016) gifft dat över 60 Veranstalten op Platt, wo jedereen hengahn kann: Bekannte Künstlers kann een beleven: vun Jochen Wiegandt över de Grupp „Noordlücht“, Em Huisken ut Ostfreesland bit na Rika Tjakea un ehre Jungs vun „Swing op de Deel“. Schriewerslüüd stellt sik vör: Bärbel Wolfmeier, Hayo Schütte, Ekhard Ninnemann, Marlou Lessing, Marita Pollak un annere. Dat gifft Theater op Platt to sehn un en plattdüütschen Dokumentarfilm. Klönsnackrunnen un Stadtföhrungen op Platt – dor is för jedeen wat dorbi.

En Spraak mutt snackt un bruukt warrn, dat se lebennig blifft, wassen kann un nich verloren geiht. Un dorüm mööt wi – so faken as dat geiht - Platt snacken! Dat is dat Motto vun den Vereen LünePlatt, de de Plattdüütsch Weken in Gang sett hett.

Dat ganze Programm ünner: (http://www.lueneplatt.de/)