Frohe
Ostern –
Osterspazeergang
„Vun Iesgang
free sünd Strom un Beeken,
sacht weiht de Fröhjohrswind över den
Knick,
neern in de
Wischen, dat Gras steiht al dick,
de ole Winter
hett sick versteken,
sleek in de Bargen, möd an sien
Krück.
Vun dor schickt he nochmal 'n
Hagelschuur,
doch dat
Spektakel wohrt meist nich lang:
Poor witte
Striepen op gröne Natur.
Aver de
Sünnschien, de hett keen Bang!
Saft drängt in
Gras, in Telgen un Knuppen,
blitzblanke
Lichter in Dau un in Druppen.
Un fehlt dat
an Blomen in't gröne Revier,
seht wi doch lustig bunt Minschenvolk
hier.
Kiek vun den
Anbarg na Stadt hento:
Dor quellt
dat ut'n Door, peddt sick op de Schoh!
De Lütten, de Langen, de Dicken, de
Dünnen,
un all sünd's
behangen mit sünndaagsche Plünnen,
all wüllt se
lustig ehr Ostern begahn,
sünd just as
ehr Jesus ut Gräffnis opstahn.
Ut enge
Straten, Hüsung un Stuven
drängt sick
dat vör in grellbunte Druven!
Vun Dörpen
her Danz un nochmal Gewimmel:
Hier föhlt
sick dat Volk so recht in sien' Himmel!
Un jedereen
denkt mit datsölve Begehren:
Hier bün ick Minsch, un nüms schall
mi't wehren!“
aus:
De Holsteensche
Faust
eine niederdeutsche Nachgestaltung
von Goethes Urfaust
mit Ergänzungen aus der Tragödie
erstem Teil
besorgt von Friedrich Hans
Schaefer
Verlag Schuster, Leer 1974