PLATTNET-Nachricht  -  04.05.2016

PLATTNET-Bökertipp:

Manfred Briese:

“Segg van ,Ji’ an dien Spegelbild”

En neei Book mit plattdüütse Geschichten un Gedichten van Manfred Briese ut Esens

Carl-Heinz Dirks, Emden, schrifft in de “Woorden vörweg”:

„... Dit Book vertellt in ’n heel Rieg Gedichten un Geschichten ...

van Stried un Elend in de Welt. Van Quaadheid. Un Krankheid. Un Dummheid.

Un van Leevde. Un Fründskupp. Un Bliedskupp.

Van Reisen un Froolüü, van Kinner un Deren.

’t is ’n klook Book, lett Jo smüüstern, lett Jo nadenken, lett Jo düll worden,

lett Jo seggen: „Nett so hett ’t west!“

He hett Oog un Ohr för dat, wat he so beleevt un de Lüü um hum to – un he kann schrieven.

Verbaast lesen Ji de Geschichten un Gedichten. Un ropen mehr as eenmaal:

Düvel ok, wo kann ’t angahn? – Wo weet de Keerl dat blot? ...“

Manfred Briese:

“Segg van ‘Ji’ an dien Spegelbild”

73 Gedichten und 64 Geschichten up Platt, 212 Sieden

Well sük för dat neje Book interesseren deit, mutt an de Autor en E-Mail stüren. Adress: m.briese(at)ewe.net

Besöök ok http://www.facebook.com/PLATTNET.de un wies uns, dat di PLATTNET.de behagen deit!