19.06.2016 - (16063) Bökertipp: Texte vun Hannelore Hinz bi verlag.marless.de

0-plattnet-logo.gif                                         PLATTNET-Nachricht  -  19.06.2016

                cid:296461622@22032016-2B51

Mit Hannelore Hinz hett an'n 11. Juni en bedüden plattdüütsche Dichtersfru den Gillhoff-Pries kregen; ehr Warken sünd avers tomehrst in Anthologien un Kalenners „versteken“. Dorüm köönt Se nu in düsse twee Böker aktuelle Warken vun Hanne Hinz kennen lehren. (Martha-Luise Lessing)

 

 

hinz1.jpg

 

Funkenfloog

Plattdüütsche Themengedichten

Vun Hannelore Hinz un Marlou Lessing

 

Düt Book hett twee Verfatersche. Dat is as gemeenschaplich Dichterspeel över de Johrn tostann kamen: Twee Dichtersfruuns — de een ut Oost, de anner ut West — sett sik afwesseln Themen un schrievt dorto Gedichten, speelt souverän mit Formen un mit ehr plattdüütsche Moderspraak. So kümmt dat to en eenzigaardig Gedichtsammeln över Johren weg: En Schatzkist vun aktuelle plattdüütsche Lyrik, anreegt vun ganz ünnerscheedlich Themen — vun Lachen bit Genmanipulation —, en Tüüchnis vun en depe Fründschap, en Funkenfloog vun bestännig wesselsiedig Inspiration.

In düt Book sünd 71 Gedichten vun Hanne Hinz un 45 Gedichten vun Marlou Lessing tosamendragen. Dormang lücht de töverhaftigen Biller vun Jasmin Apcin.

 

verlag.marless.de

ISBN 978-3-9817194-6-8

132 Sieden, Pries: 14,- Euro

 

hinz2.jpg

 

KunstGedichtKunst

Niederdeutsche Lyrik zu Werken der Bildenden Kunst

Vun Hannelore Hinz

 

Normaal bün ik ja keen Fründ vun de „Binnenmajuskel“, also dat Grootschrieven binnen in en Woort, avers hier passt dat. De lütte Band wiest twee Gedichtzyklen vun Hannelore Hinz op Bild- und Skulpturwarken: as Eerst den Sonettenkranz op Warken vun de Künstlerkolonie Schwaan, as Tweet en Grupp vun veer Gedichten in frie Rhythmen op Skulpturen vun Ernst Barlach.

Hanne Hinz, vun Huus Dichtersche un Musikerin, weer alltied deep mit de Malerie verbunnen. De Künstlerkolonie Schwaan sett se en levig Denkmaal in veerteihn Sonette, de sik in de Anfangs- un Endreegn de Hand geevt  — also en Sonettenkranz bildt, de togliek en Johrskrink is, bildhaft maakt in ganz bestimmte Biller ut Schwaan. Fief dorvun sünd in dat Book afbildt. In düssen Kranz flütt mennigwat tosaam: hoge Verskunst, fienes Geföhl för Biller un Bildhaftiges, depe Heimatleev.

In de veer Gedichten op Barlach-Skulpturen wiest de Dichtersch, de even noch hoochformelle Sonetten to en Kranz verflochten hett, dat se ok in frie Rhythmen meisterhaftig den Toon un den Akzent to setten weet. Dat överrascht, avers de Leser geiht opletzt deep tofreden mit Barlachs „Spazeergänger“ ut dat lütte Book rut.

 

Verlag.marless.de

ISBN 978-3-9817194-7-5

32 Sieden, Pries: 5,- Euro

 

Zu beziehen bei verlag@marless.de

 

Besöökok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de