PLATTNET-Nachricht - 14.08.2016
PLATTNET - CD-Tipp
Neddersassen Töörn
Lars-Luis Linek und Ilka Brüggemann op den Reisetöörn dör Neddersassen – Snutenhobel & Vertellen
„De Neddersassen Töörn bringt us mit de Rottenfänger Rumba in dat Määrkenhaftig Werserbargland. In‘t Schaumburger Land steiht dor dat Huus, in dat Wilhelm Busch to Welt kamen is. Un so besökt wi ok musikaal‘sch Max un Moritz. Wat de so utfreten hebbt, weer för de Lüüd nich goot – anners as de Medizin vun den Dokter Iesenboort, de in düsse Region storven is.
In‘t Ossenbrügger Land draapt wi en Fro, de sik stur mit den Düvel anleggt hett. Een vun de typischen Deerns ut Neddersassen – modig un toverlässig. Solke Deerns kann een in‘t Emsland mit siene gefahrlichen Riesen un boshaftig Twargen goot bruken!
In Auerk is dat gor nich „schaurig“, hier bi de Ostfreesen danzt een den Boßel Bossa Nova un hett (Tee)-Kultur!
Wi makt en lütte Paus op Spiekeroog un liernt an‘t Twüschenahner Meer in‘t Ammerland Löpeldrunk un Riesenwels kennen, bevor wi to ‘n Kramermarkt in Ollenborg fohrt.
De Germanen Wettstriet in Otterndörp liggt meist op den Weg to dat Blötenmeer in‘t Olland. Un an de Elv kann een seker ok Paalsitten. Ok in de schnuckelig Lümborger Heid hett dat veele Johren so‘n Wettstriet geven.
Ut dat Kurfürstentum Brunswieg-Lümborg stammt ok de Freiherr vun Münchhausen; den ward de lögenhaftig Geschichten toschreven, de wi in den Münchhusen Mambo to hören kriggt.
Us Töörn geiht denn wieter na Süden in de Uhlenköperstadt Uelzen. De verdankt jümehren Binaam ok en bedregerischen Kierl.
Us Töörn geiht dor to Enn, wo he to Enn ween mutt: In de Landeshauptstadt Hannober, de nich langwielig is. Dor danzt wi den Schüttenfest ChaChaCha un beleevt de fiev blauen Wunners!
Un denn? Denn sett wi us wedder in unsen nostalgischen Käfer un los geiht dat to ‘n tokamen Neddersassen Töörn!“ (ut dat CD-Textheft)
„In „Neddersassen Töörn“ mit Lars un Ilka warrt twee Passionen – plattdüütsche Spraak un de Bluesmusik – fein tohoopmengeleert, wo de Lüüd sik orrnlich amüseern, mitmoken un mitsingen köönt.“ (PM)
Musik: Lars-Luis Linek, Wolfgang Timpe, Hannes Hoffmann;
Vertellen: Dr. Ilka Brüggemann
„Neddersassen Töörn“ (Membran Media GmbH 2016) ist als Download sowie als CD-Ausgabe mit ausführlichem Textheft über den Plattenhandel erhältlich. Preis: 15,90 Euro
Weitere Informationen und Bestellmöglichkeit: z.B. www.plattschapp.de
Besöök ok http://www.facebook.com/PLATTNET.de un wies uns, dat di PLATTNET.de behagen deit!
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de