PLATTNET-Nachricht  -  23.01.2017

„Plattdüütsch för lütte Kinner“

Fortbillen för Lüüd in Kinnergoorns un Grundscholen

Ok 2017 sünd de beiden Nedderdüütschzentren in Sleswig-Holsteen dorbi, wenn dat dorüm geiht, Lüüd to hölpen, de de lütte Kinner en beten Plattdüütsch bibringen wüllt – in de KITA un in de Grundschool. Dor lett sik bannig veel lehren, wenn een sik dorför engageern will.

Bi dat Zentrum för den Landesdeel Holsteen in Mölln gifft dat an’n 22. Februar en Namiddagsveranstalten „Plattdüütsch in’n Kinnergoorn“. De Referentinnen Renate Poggensee un Marianne Ehlers wiest in Ratzborg mit vele praktische Tipps, woans een plattdüütsche Inholte an de Lütten wiedergeven kann.

Un bi dat Plattdüütsch-Zentrum Landesdeel Schleswig is en Zertifikatskurs „Plattdüütsch för de Lütten“ in Utsicht stellt, woför een sik nu al anmellen kann. Dat sünd denn söss Termine vun den 20. Mai an. Dor geiht dat üm Weten üm de Spraak, Weten üm de Wöör un de Grammatik vun dat Plattdüütsche, plattdüütsche Literatur, Plattdüütsch Ünnerrichten un Medien för den Plattdüütschünnerricht.

Keen mitmaken mag, de schall sik gau anmellen för de een or anner Veranstalten.

Kiek in de PDF-Anlagen!

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de