PLATTNET-Nachricht – 09.03.2017

Plattdütsches Wurt 2016

Upraup to’n Mitmaken

Leiwe Plattdütsche in Land Meckelnborg-Vörpommern,

leiwe Frünn’ von de nedderdütsche Sprak,

endlich is dat wedder sowiet.

As dat all lang west is, säuken Heimatverband Mecklenburg-Vorpommern un Fritz-Reuter-Literaturmuseum nah dat Plattdütsche Wurt von dat verledene Johr.

                             So as Sei dat wennt sünd, säuken wi also wedder de „plattdütschen Würd‘“ von’t verledene Johr 2016.

                             Un tworsten:

                             1. dat schönste plattdütsche Wurt

                             2. den besten aktuellen plattdütschen Utdruck (’ne nige Schöpfung sotauseggen)

                             3. de leiwste Redensort oder dat leiwste Sprichwurt.

För jede Kategorie sall jeder Insender blot ein Bispill gewen, dat heit, hei möt sick irst mal sülben entscheiden!

Wenn ein Insender miehrere Würd‘ / Utdrück / Redensorten upschräben hett, nähmen wi gnadenlos blot dat irste in de Reihg!

Eine Jury ward bild’t von den Heimatverband MV, dat Fritz-Reuter-Literaturmuseum un Klönsnack Rostocker 7.

Verkündt’t warden de Siegerwürd‘ an’n 21. Maimand in Rostock bi den Plattdütschen Bäukerdag.

Denn maken S’ sick ran un schriwen S’ Ehre Vörschläg up ’ne Postkort oder in den Computer un schicken S’ dat bet tau’n 24. Lentmand (März) 2017 an den

Heimatverband Mecklenburg-Vorpommern

Münzstraße 24

19055 Schwerin

E-Mail: geschaeftsstelle@heimatverband-mv.de

oder an dat

Fritz-Reuter-Literaturmuseum

Markt 1

17153 Stavenhagen

Telefon 039954/ 21072

E-Mail: literaturmuseum@stavenhagen.de

Mit hartlich Gröten

Cornelia Nenz

Heimatverband Mecklenburg-Vorpommern e.V.

Marco Zabel

Fritz-Reuter-Literaturmuseum Stavenhagen

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de