PLATTNET-Nachricht – 21.03.2017
Plattdüütsch in’n Wahlkamp vun Sleswig-Holsteen
De Plattdüütsche Raat hett opschreben, för wat sik de Politikers insetten schüllt
(pn) An’n 7. Mai schall wählt warrn in Sleswig-Holsteen: De Börgerinnen un Börgers sünd opropen, de Maten för den neen Landdag to bestimmen. Un so is in’n Momang düchtig Wahlkamp in’t Land. Dat geiht üm Bildung un Investitionen, üm Finanzen un üm Windrööd. De Kandidaten mööt sik bi allens positioneern.
Ok de Plattdüütsche Raat hett sik to Wort meldt. He hett de enkelten Fraktionen in’n Landdag anschreben un fraagt, wat se sik ok in de tokamen Tiet för dat Stütten vun de plattdüütsche Spraak insetten wüllt.
In de letzten Johren is veel in Gang sett worrn in’t Land. De „Handlungsplan Sprachenpolitik“ hett för de lütten Spraken in’t Land en gode Perspektive wiest. Un so schull dat na Menen vun den Raat wiedergahn:
„Der Handlungsplan Sprachenpolitik wurde in der nunmehr zu Ende gehenden Legislaturperiode mit fachlicher Zuarbeit der Sprechergruppen im Lande auf den Weg gebracht und mit viel Engagement von Seiten der Landesregierung und der Staatskanzlei in Teilen bereits umgesetzt.
Um jedoch eine nachhaltige und zukunftsfördernde Stärkung der Regional- oder Minderheitensprachen zu erreichen, bedarf es weiterer Anstrengungen des Landes Schleswig-Holstein – auch nach den diesjährigen Landtagswahlen.“
Dorför hett de Plattdüütsche Raat en Papier mitschickt, dat wiesen deit, wo dat in Tokunft op ankümmt un mit wat de plattdüütsche Sprekergrupp vun de Politikers reken deit, dormit dat sünnerlich mit dat Plattdüütschlehrn in de Scholen vörangeiht.
Mehr in dat Papier vun den Plattdüütschen Raat Sleswig-Holsteen (PDF-Anlaag).
Besöök ok http://www.facebook.com/PLATTNET.de un wies uns, dat di PLATTNET.de behagen deit!
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de