14.06.2017 - (17061) Goldene Ehrennadel für Marianne Ehlers

0-plattnet-logo.gif                                                      PLATTNET-Nachricht – 14.06.2017

 

 

                m.ehlers.jpg

 

Goldene Ehrennadel für Marianne Ehlers

Schleswig-Holsteinischer Heimatbund ehrt langjährige Mitarbeiterin

 

(pn) De Sleswig-Holsteensche Heimatbund hett Marianne Ehlers mit de Goldene Ehrennadel uttekent. Dormit ward dat besünnere Engagement würdigt, wat de Plattdüütschreferentin vun den Verband utmaken deit: Marianne sett sik nich bloots för den SHHB ganz dull in, sondern ganz besünners in vele ehrenamtliche Projekten, sünnerlich, wenn dat üm de plattdüütsche Spraak geiht – de liggt ehr siet eh un je an’t Hart. So geiht se vöran bi de Fehrs-Gill, bi de Bevensen-Dagfohrt un bi mennig anner plattdüütschen Vereen, un so jachtert se vun en Vereens- un Gremiendrepen na’t annere. Liekers nimmt se sik de Tiet un schrifft egen literarische, heel poetische Texten. Un denn rezenseert se ok niege plattdüütsche Böker: Dat een sik bi’t Schrieben an fastleggte Regeln holen mutt, dat is een vun de Postulate, op de se dorbi jümmers wedder bestahn deit.

 

Heel wichtig is ehr, dat de plattdüütsche Spraak an de Kinner wiedergeben ward. Dor sett se sik besünners för in, maakt tosamen mit ehr Süster Fortbillen för Lüüd, de in KITAs un Scholen ünnerrichten doot un is dorbi, wenn nieget Material för de Scholen maakt warrn schall. Se weet, dat bloots so de Spaak wiederleben deit. Un so hett de ümdrievige flietige Fru düsse Utteknung heel un deel verdeent.

 

Kiek mal ünner:
http://www.plattdueuetsch.com

 

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de