PLATTNET-Nachricht – 25.07.2017

De Käpten geiht von Bord – man he stüert noch en beten

Ingwer Olsen nimmt Afscheed vun’t Plattdüütsche Zentrum

(pn) Dat stunn em al lang vör Ogen, man nu is’t sowiet: Mit Afloop vun düssen Maand geiht de aktive Deensttiet vun Ingwer Oldsen to Enn. Negen Johr lang harr he dat Leit vun dat Plattdüütsche Zentrum in Leck. Man veel länger is he al mit dat Plattdüütsche in Nordfreesland befaat ween. Mit en groten Festakt in den Saal vun de Nordseeakademie worr nu Afscheed fiert. Dor kemen blangen vele annere sogor de Präsident vun den Sleswig-Holsteenschen Landdag, Klaus Schlie, un de Beopdragte vun de Landesregeern för Minnerheiten un Nedderdüütsch, Johannes Callsen. All brochen se Wöör vun Loff un Dank mit na Leck un harrn gode Wünsch för de Tokunft in’t Gepäck. Man op Freetiet mutt de niege Pensionär sachs noch en beten töben: En Fru oder Mann as Nafolger för dat Leit vun’t Plattdüütsche Zentrum is opstunns nich in Sicht. Dor mutt Käpten Ingwer woll noch en poor Maand lang dat Stüer sülvst in de Hand beholen.

En feinen Bericht över de Afscheedsfier kann een lesen in de Husumer Narichten vun shz.de: https://www.shz.de/lokales/husumer-nachrichten/grosser-bahnhof-fuer-ingwer-oldsen-id17327756.html

Foto: Mone/shz.de

Dat Plattdüütsche Zentrum in‘t Internet: http://www.plattdeutsches-zentrum.de

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de