03.11.2017 - (17104) Bökertipp: "Snack, Snick un Botterlick" von Heidrun Schlieker

0-plattnet-logo.gif                                                                                     PLATTNET-Nachricht – 03.11.2017

 

PLATTNET-Bökertipp – Plattdüütsch Bökerharvst

 

 

            bo_schlieker_snacksnick.jpg           bo_schlieker_handreichungsnacksnick.jpg

 

Heidrun Schlieker:

Snack, Snick un Botterlick Oder De Reis na Bollerbüttel

 

Kinner Plattdüütsch bitobringen, dat is anseggt in unse Tiet. Heidrun Schlieker, Kinnerbookautorin un Kunstpädagogin, hett dor al düchtig Erfahrung mit. So is düt ehr achtet Kinnerbook, wat se rutbröcht hett. Un wedder sünd dat lütte Deerten, mit de se de Kinner begeistern deit.

Grashüpper Snack, de Snick Snick und de Botterlicker Botterlick sünd dree gode Frünnen, de sik op den Padd maken doot. Se wüllt hen na Bollerbüttel, en wunnerboren Oort, wo de Welt noch so is, as se schall. Man de Weg is gornich so eenfach - wat dor an liggt, datt de dree bannig ünnerscheedlich sünd. Wat de dree woll dor ankaamt, wo se henwüllt?

In düt Book sünd de lütten Deerten de Helden, wo mitünner minnachtig op daalkeken ward: Insekten un en Snick. So is dat Book nich bloots en Book op un för Plattdüütsch, man ok en Book, wat de Natur in‘n Blick nehmen deit.

Wunnerbore Biller sünd wedder Heidrun Schliekers attraktive Ophänger, de ok lütte Kinner Spaaß maken warrn. Un wenn de Groten meent, se weet nich so recht, wat se all de Wöör de lütten Kinner verklaren kunnen, so denn is achtern in dat Book en praktisch Glossar afdruckt.

Un keen sik professionell dormit befaten mag, woans een mit veel Spaß Plattdüütschünnerricht maken kann, för den gifft dat noch en „methodisch-didaktische Handreichung“ mit ganz veel Material un Theorie to’n Plattdüütschleern. So lett sik mit dat Kinnerbook ok in de School düchtig wat anfangen.

 

Heidrun Schlieker

Snack, Snick un Botterlick

Oder De Reis na Bollerbüttel

Plaggenhauer Verlag, Lüneburg 2017

ISBN: 978-3-937949-21-5

12,90 Euro

 

Schlieker, Heidrun        

Methodisch-didaktische Handreichung in Platt- und Hochdeutsch

zum Bilderbuch Snack, Snick un Botterlick

Plaggenhauer Verlag, Lüneburg 2017

ISBN: 978-3-937949-22-2

15,00 Euro

 

Köpen kann een düsse un anner Böker bi www.plattschapp.de

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de