PLATTNET-Nachricht – 11.11.2017

2. Hamborger Plattdüütschdag

Sünnobend, 21. April 2018 – ganz Hamborg is an’t Plattsnacken

Der Plattdeutsche Rat für Hamburg ruft alle Hamburger Plattsnacker auf, sich mit ihren Vereinen und Institutionen am 2. Hamborger Plattdüütschdag zu beteiligen. Wie bereits beim ersten Plattdüütschdag 2016 soll es jede Menge Aktionen und Veranstaltungen im gesamten Stadtgebiet geben. Dazu ist die Mitwirkung aller erforderlich.

„Sünnobend, 21. April 2018, is dat wedder sowiet. Denn gifft dat den tweten Hamborger Plattdüütschdag. Schirmherrin is ok dütmal wedder Katharina Fegebank, de Twete Börgermeistersch vun de Free’e un Hansestadt Hamborg.

An düssen April-Dag schall Hamborg wedder de Haupstadt vun de Plattdüütschen warrn. Dorüm roopt wi all Verenen, Initiativen, Krinks un Organisatschonen op, dat se dorbi mitmoken doot.

Wi wünscht uns, dat an all möglichen Ecken un Kanten vun de 750 Quadratkilometer Hamborg wat op Platt passeert. Vun Altnoo bet Volksdörp. Op Alsterdampers, bi Hagenbeck, in Karken un Chören, Museen, Theaters, villicht sogor in’n Zirkus.

Op Platt kannst allens moken! Platt kannst öberall snacken!

Also, loot Jo wat infallen! Wat köönt Ji bi Jo to Huus vör de Döör, bi Jo in de Stadtdele de Lüüd an düssen Dag anbeden?

Wi sünd heel neeschierig un gespannt, wat Ji Jo allens utspikuleren doot.

Wat Ji bi uns meldt, dat sett wi denn mit so’n Oort Stünnenploon in en Prospekt rin, de in ganz Hamborg verdeelt warrt. Op all Kultur-Litfasssäulen in de Stadt warrt Ji Plakoten öber dat Programm vun düssen Dag finnen. Un NDR 90,3 un dat Hamborger Obendblatt sünd dor as Medienpartner ok wedder mit bi.

Dat all Minschen öberall in Hamborg to weten kriegt, wat dat an düssen tweten Plattdüütschdag in Hamborg allens to beleben gifft.“

(Plattdüütschroot för Hamborg www.platt.hamburg)

Ab sofort können geplante Aktivitäten angemeldet werden unter: www.platt.hamburg

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de