PLATTNET-Nachricht – 04.01.2018

Woans geiht dat wieder?

Keen Lännerzentrum – keen Geld mehr för’t INS

(pn) Dat niege Johr is dor. Un woans geiht dat wieder mit dat Stütten vun de plattdüütsche Spraak? De norddüütschen Länner hebbt en „Länderzentrum für Niederdeutsch“ gründt, dat schull nu egentlich de Arbeit maken, för de 40 Johr lang dat „Institut für niederdeutsche Sprache“ in Bremen (INS) warkelt hett. Man dat INS kriggt nu nich mehr dat Geld, wat dorför bruukt ward. An’t Enn vun 2017 weer Sluss: 271.000 Euro Fördergeld, wat dat INS beto in’t Johr kregen hett, sünd nich mehr dor, de schall nu dat niege Länderzentrum kriegen.

Bloots: Dat Länderzentrum, dat gifft dat (noch) nich. Keen Adress, keen Anspreekpartner. Dorbi schull dat losgahn an’n 1. Januar 2018. Un so hebbt de Plattdüütschen in Norddüütschland opstunns keen zentrale Stell mehr, de mit Sachverstand parat steiht, wenn dat üm Hölpanfragen geiht in Bildung, bi de Medien, för Schrievers- un Karkenlüüd, för Musikers un Theotergruppen un Vereene un för jedeen Börger, de wat weten will över de Regionalspraak Nedderdüütsch. Dat fehlt för den ganzen Kulturbedriev un dat Nettwark Nedderdüütsch.

Man noch gifft dat dat INS – de Vereen, den de Rümlichkeiten in’n Bremer Schnoor tohören doot, mit de grote Bibliothek un de Mediensammlung, de will nich opgeben: „De Minschen överall in Noorddüütschland bruukt uns Hölp un Raatslag. Wi wüllt geern mit uns Arbeit wiedermaken: för de plattdüütsche Spraak un för de Minschen.“ (INS – www.ins-bremen.de)

De Fraag is: Wolang is dat uttoholen, wenn dat Geld för de Lüüd nich dor is, de de Arbeid maken schüllt?

Ein ausführlicher Beitrag hierzu siehe auch unter: https://www.taz.de/!5471510/ vom 1.1.2018 – Klaus Wolschner: Blick ins Nichts

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de