PLATTNET-Nachricht – 23.01.2018

PLATTNET-Bökertipp

Grete Hoops:

Oh Tobi, wonehr warrst du klook!

Grete Hoops, de in Tarmstedt, nich wied af vun Bremen, to Huus is, hett en Book för’t Plattdüütschlehren schreben. Op över sösstig Sieden hett se lütte Geschichten, Riemels un Gedichten tohopenstellt, vör allem aver Dialogtexten, mit de Kinner in lütte Rullenspelen de frömde Spraak inöven schüllt. De Themen sünd nich all sünnerlich kinnergerecht för de hüütige Tiet, aver mennig en lütt Speel lett sik seker in de School bruken. En beten Spraakvörkenntnisse schullen de Kinner ok al hebben, dormit se begriepen doot, wat se dor spelen un snacken doot. De een un anner Text is ok goot för’t Vörlesen intosetten. Un dat mutt ja nich jümmers in de School ween. För besünnere Wöör ut Grete Hoops ehre Region gifft dat Verkloren op jede Siet un bi de Rechtschrieben hett sik de Schrieversfru an den SASS holen – ok wenn dat nich jümmers konsequent maakt is. Rutkamen is dat lütt Book bi den Isensee Verlag in Ollenborg.

Grete Hoops

Oh Tobi, wonehr warrst du klook!

Isensee Verlag, Oldenburg 2017

ISBN 978-3-7308-1400-0

9,90 Euro

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de