05.02.2018 - (18016) Gesa Retzlaff is nu Baas'sche vun't Plattdüütschzentrum

0-plattnet-logo.gif                                                                      PLATTNET-Nachrichten – 05.02.2018

 

                Gesa-Retzlaff2b.jpg

 

Gesa Retzlaff is nu Baas’sche vun’t Plattdüütschzentrum

Slötelövergaav bi’t ZfN in Leck

 

(pn) Jüst weer se noch Schoolmestersche an de Grund- un Gemeinschaftsschool Mildstedt bi Husum, nu hett se dat Leit kregen vun dat Plattdüütschzentrum för den Lannesdeel Sleswig in Leck. Düchtig freit hett se sik al, as se för düsse Opgaav utkeken worr: „Nu kann ik richtig dat maken, wat siet Jahren mien Anliggen is – mien Moderspraak leben un ünner de Lüüd bringen.“ Un mit Lüüd sünd toerst all de Kinner un jungen Lüüd meent, de Plattdüütsch lehrn wüllt. Gesa Retzlaff weet, wovun se snacken deit: Se hett Plattdüütsch an een vun de 29 Modellscholen ünnerricht, för de dat intwüschen to’n Alldag tohören deit. Un se weer „Kreisfachberaterin für Niederdeutsch an den Schulen in Nordfriesland“, hett düchtig Erfahrung dorbi sammeln kunnt. Ganz besünners aver liggt ehr dat Theaterspelen op Platt an’t Hart. Schon as junge Deern weer se bi de „Junge Lüüd ut Löwenstedt“ dorbi, nu hett se sülbst dat Leit vun düsse Theatergrupp, de för ehre tollen Jugendtheaterprojekte in’t ganze Land bekannt worrn is. Un sülbst hett Gesa Retzlaff al grote Rullen bi de Nedderdüütsche Bühn Flensborg speelt. Nu also kann de quirlige Frau ehr Hobby mit de niege Opgaav tosamenbringen, hett al vele Ideen in’n Kopp. Wi könnt gespannt ween.

 

En Porträt vun Gesa Retzlaff kann een bi de Zeitungen vun den shz-Verlag lesen. Autor: Frank Jung – http://zeitung.shz.de/husumernachrichten/1690/article/682072/3/3/render/?token=4b95435a00b6d713eb4ac1a81b5c4006

 

Foto: Niederdeutsche Bühne Flensburg

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de